សមត្ថកិច្ចឃាត់ខ្លួនជនសង្ស័យ១២នាក់ជាមុខសញ្ញាជួញដូរនិងប្រើប្រាស់គ្រឿងញៀន
ភ្នំពេញ៖ កម្លាំងសមត្ថកិច្ចបានធ្វើការបង្ក្រាបនិងឃាត់ខ្លួនជនសង្ស័យប្រុសស្រី ជាមុខសញ្ញាជួញដួរ និងប្រើប្រាស់គ្រឿងញៀនបានចំនួន១២នាក់
ប្រតិបត្តិការបង្រ្កាបនេះបានធ្វើឡើងកាលពីវេលាម៉ោង១០និង១០នាទីព្រឹកនាថ្ងៃទី១១ខែតុលា ឆ្នាំ២០១៩ នៅចំណុចសំណងមិនរៀបរយ ផ្លូវរថភ្លើងR៦ ក្រុម២២ ភូមិ២ សង្កាត់ស្រះចក ខណ្ឌដូនពេញ។
សមត្ថកិច្ចបានអោយដឹងថា ប្រតិបត្តិការចុះបង្ក្រាបខាងលើសមត្ថកិច្ចនគរបាលខណ្ឌដូនពេញបានឃាត់ខ្លួនជនសង្ស័យប្រុសស្រីចំនួន១២នាក់ក្នុងនោះស្រី០២នាក់។
ចំណែកវត្ថុតាងចាប់យករួមមាន៖ ក្រាមពណ៌ សរថ្លាសង្ស័យជាគ្រឿងញៀនចំនួន ៩កញ្ចប់ ដាវកែឆ្នៃចំនួន០៣ដើម កាំបិតបុ័ងតោមួយ ជញ្ជីងសំរាប់ថ្លឹងគ្រឿងញៀន១គ្រឿង កន្ត្រៃ០៣ បំពង់សំរាប់ជក់ថង់សំរាប់ច្រកគ្រឿងញៀនមួយចំនួន ។
បច្ចុប្បន្នជនសង្ស័យទាំងអស់ត្រូវបានសមត្ថកិច្ចជំនាញខណ្ឌដូនពេញ ធ្វើការសាកសួរតាមនិតិវិធី និងបន្តស្រាវជ្រាវរកបក្ខពួក ក្រុមដ៏ទៃផ្សេងទៀត ព្រមទាំងកសាងសំណុំរឿង បញ្ជូនទៅសាលាដំបូងរាជធានីភ្នំពេញ អនុវត្តតាមច្បាប់ ៕
