បើករថយន្ត បត់ឆ្លងផ្លូវមិនប្រយត្ន័ត្រូវរថយន្តម៉ាស្តាពេញទំហឹងខូចខាតទាំងសងខាង
ភ្នំពេញ៖ ជនជាតិចិនម្នាក់បើករថយន្តបត់ឆ្លងផ្លូវត្រូវរថយន្តមួយគ្រឿងទៀតបេីកបុកចំពីចំហៀងពេញទំហឹងបណ្តាលឲ្យរងការខូចខាតយ៉ាងដំណំទាំងសងខាងសំណាងល្អមិនបង្កឲ្យមានអ្នករងរបួស។
ហេតុការណ៍នេះបានកេីតឡេីងកាលពីវេលាម៉ោង១១យប់ថ្ងៃទី១៦ ខែតុលាឆ្នាំ២០១៩ នៅចំណុចស្តុបវត្តនាគវ័ន្ត តាមបណ្តាលមហាវិថីសហព័ន្ធរុស្ស៊ី កែងនិងផ្លូវ២២៣ ស្ថិតក្នុងសង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ។
យោងតាមប្រភពនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តម៉ាកឡិចស៊ីសLX470ពណ៌ស្ក ពាក់ស្លាកលេខភ្នំពេញ2W-7866បេីកបរដោយបុរសជនជាតិចិនធ្វេីដំណេីរតាមបណ្តោយមហាវិថីសហព័ន្ធរុស្ស៊ី ទិសដៅ ពីលិចទៅ កេីត ខណៈមកដល់ចំណុចកេីតហេតុកែងនិងផ្លូវ២២៣បានបត់ឆ្វេងឆ្លងផ្លូវ ស្រាប់តែមានរថយន្តមួយគ្រឿងទៀតម៉ាក ម៉ាស្តា ពណ៍សពាក់ស្លាកលេខភ្នំពេញ2BC-0434បើកបរដោយបុរសម្នាក់និងរួមដំណើរម្នាក់ទៀតធ្វេីដំណេីរតាមមហាវិថីសហព័ន្ធរុស្ស៊ីបញ្ច្រាស់គ្នា ទិសដៅពីកេីតទៅលិចក៏ជ្រុលបុកចំពីចំហៀងពាក់កណ្ដាលរថយន្តពេញទំហឹងបណ្តាលឲ្យរងការខូចខាតយ៉ាងដំណំទាំងសងខាង។
ក្រោយពេលកេីតហេតុសមត្ថកិច្ចជំនាញបានចុះមកដល់ធ្វេីការ វាស់វែងយកទាំង២គ្រឿងទៅរក្សាទុកនៅអធិការដ្ឋាននគរបាល ខណ្ឌទួលគោករងចាំដោះស្រាយគ្នាតាមច្បាប់៕
