សមត្ថកិច្ចចុះបង្ក្រាបទីតាំងត្រៀមបើកម៉ាស្សា ស្ទីម-សូណា បង្កប់សេវាផ្លូវភេទរបស់ចិន
ភ្នំពេញ៖ កម្លាំងសមត្ថកិច្ច ចុះបង្ក្រាបទីតាំងដែលត្រៀមបើក ហាងម៉ាស្សា ស្ទីម-សូណា បង្កប់សេវាផ្លូវភេទ យីហោ ( ឡុងពាន អ៉ីឡុងវ័ន ងូតទឹក) របស់ជនជាតិចិន
ប្រតិបត្តការណ៍នេះធ្វើឡើងកាលពីវេលាម៉ោង៩និង៣០នាទីព្រឹក ថ្ងៃទី១៨ ខែតុលា ឆ្នាំ២០១៩នៅចំណុចផ្ទះលេខ7Eoផ្លូវលេខ១៧២ភូមិ១០ សង្កាត់ផ្សារថ្មីទី៣ ខណ្ឌដូនពេញ។
សមត្ថកិច្ចបានអោយដឹងថា ក្រោយចុះពិនិត្យជាក់ស្តែងបានរកឃើញថា ថាទីតាំងខាងលើបានត្រៀមបើកប្រកបអាជីវកម្ម ម៉ាស្សា ស្ទីមសូណា និងមានបង្ហាញនូវផ្ទាំងរូបភាពអាសអាភាសជាច្រេីនផ្ទាំងដែលធ្វើឱ្យប៉ះពាល់ដល់វប្បធ៌មជាតិ តម្លៃស្ត្រី និងគ្រួសារខ្មែរ រួមទាំងមានស្រោមអនាម័យ ដែលមិនទាន់ប្រើមួយចំនួនធំផងដែរ និងបានសម្រេចធ្វេីការដកហូតវត្ថុតាងមួយចំនួនដូចខាងក្រោម៖
ទី១-ដកហូតរូបភាពអាសអាភាសទាំងអស់ ដែលបានដាក់តាំងបង្ហាញនៅលើជញ្ជាំង។
ទី២-ផ្អាកអាជីវកម្មនេះបណ្តោះអាសន្នរង់ចាំបំពេញបែបបទ និងច្បាប់អាជីវកម្មត្រឹមត្រូវទើបអនុញ្ញាតឲ្យប្រកបអាជីវកម្មវិញបាន។
៣-មិនអនុញ្ញាឲ្យដាក់តាំងរូបភាពអាសអាភាស ឬខ្លឹមសារផ្សេងៗ ដែលនាំឲ្យប៉ះពាល់ដល់សីលធម៌សង្គម។
៤-ហាមដាច់ខាតធ្វើអាជីវកម្មបម្រើសេវាផ្លូវភេទ ការប្រើប្រាស់គ្រឿងញៀន ឬយកទីតាំង អាជីវកម្មប្រព្រឹត្តិបទល្មើសផ្សេងៗ។
ក្រោយមកសមត្ថកិច្ចបានឲ្យម្ចាស់ទីតាំងធ្វេីការផ្តិតមេដៃលើកំណត់ហេតុផងដែរ៕
