ចាប់បានហើយ! ក្រុមជនស្ស័យដែលសម្លាប់បុរសម្នាក់ប្លន់យកម៉ូតូនៅខណ្ឌដង្កោ
ភ្នំពេញ៖ កម្លាំងព្រហ្មទណ្ឌកំរិតធ្ងន់ រាជធានីភ្នំពេញ សហការជាមួយកម្លាំងអធិការនគរបាលខណ្ឌពោធិសែនជយ័ និងកម្លាំងអធិការនគរបាលខណ្ឌដង្កោរ បានបើកប្រតិបត្តការបង្ក្រាបក្រុមចោរប្លន់ដោយបាន ឃាត់ខ្លួនជនសង្ស័យ៣នាក់ដែលប្លន់សម្លាប់បុរសម្នាក់យកម៉ូតូ កាលពីថ្ងៃទី១៥ខែតុលាឆ្នាំ២០១៩វេលាម៉ោង១០នឹង១០នាទីយប់នៅលើផ្លូវលំវាលស្រែស្ថិតនៅភូមិខ្វា សង្កាត់សាក់សំពៅ ខណ្ឌដង្កោរ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនរួមមាន៖ ទី១/មានឈ្មោះ អឿង ភាព ភេទប្រុសអាយុ៤៣ឆ្នាំជនជាតិខ្មែរ មុខរបរជាងសំណង់ ស្នាក់នៅផ្ទះជួល ភូមិប៉ប្រកខាងត្បូង សង្កាត់កាកាបទី១ ខណ្ឌពោធិសែនជយ័
ទី២/ឈ្មោះណោម ពៅ ភេទប្រុសអាយុ៣៦ ឆ្នាំ ជនជាតិខ្មែរ មុខរបរជាងសំណង់ស្នាក់នៅភូមិសំរោងអណ្តែត សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ទី៣ / ឈ្មោះ ប៉ុក សុខនីភេទប្រុស អាុ៤២ឆ្នាំ ជនជាតិខ្មែរ បុខរបរបើកបររថយន្ត(ទទួលផលចោរកម្ម)ស្នាក់នៅភូមិដំណាក់ត្រយឹង សង្កាត់ ចោមចៅទី២ ខណ្ឌពោធិសែនជយ័ រាជធានីភ្នំពេញ ។
បច្ចុប្បន្ន ជនសង្ស័យទាំង៣នាក់ត្រូវបានសមត្ថកិច្ចជំនាញធ្វើការសាកសួរនិងកសាងសំណុំរឿងដើម្បីបញ្ជួនទៅតុលាការចាត់ការតាមផ្លូវច្បាប់ ៕
