មិនឃើញឪពុកទៅលក់ដូង ឡើងទៅដាស ទើបដឹងថាស្លាប់ស្រែកទ្រហោយំផ្អើលអ្នកជិតខាង
ភ្នំពេញ៖ បុរសវ័យចំណាស់ម្នាក់ដេកស្លាប់ក្នុងបន្ទាប់ផ្ទះជួល បង្កការភ្ញាក់ផ្អើលដល់ប្រជាពលរដ្ឋ និង សមត្ថកិច្ចទាំងព្រឹក
ហេតុការណ៍នេះបានកើតឡើងកាលពីវេលា ម៉ោង០៧និង១៥នាទីព្រឹកថ្ងៃទី២២ ខែតុលា ឆ្នាំ២០១៩ នៅចំណុចផ្សារដីថ្មីភូមិដំណាក់ធំ២ សង្កាត់ស្ទឹងមានជ័យទី៣ ខណ្ឌមានជ័យ ។
សមត្ថកិច្ចបានឲ្យដឹងថា សពជនរងគ្រោះមានឈ្មោះ ស៊ឹម វណ្ណា ភេទប្រុសអាយុ ៥២ ឆ្នាំមុខរបរ លក់ដូង ស្នាក់នៅចំណុចផ្ទះជួលកើតហេតុ មានស្រុកកំណើតនៅភូមិត្រពាំងខ្មែល ឃុំម្រោម ស្រុកអង្គរជ័យ ខេត្ដកំពត ។
បើតាមប្ដីកូនប្រុសបង្កើតរបស់ជនរងគ្រោះមានឈ្មោះ ស៊ឹម លីហ៊ី ភេទប្រុសអាយុ១៩ ឆ្នាំ បានបញ្ជាក់ប្រាប់សមត្ថកិច្ចថា កាលពីថ្ងៃទី២១ខែតុលាឆ្នាំ២០១៩ នៅវេលាម៉ោង០៨និង០០នាទីយប់(ជនរងគ្រោះ) ឪពុករបស់ខ្លួន បានចូលដេកធម្មតា ហើយខ្លួនក៏បានឡើងទៅដេកជាមួយឪពុកដែរលុះដល់វេលាម៉ោង៦និង ៣០នាទីព្រឹកខ្លួនបានក្រោកឡើងទៅរៀន ស្រាប់តែមិនឃើញឪពុកក្រោកទៅលក់ដូងខ្លួនបានឡើងទៅដាស ប៉ុន្ដែដាសមិនក្រោកទើបដឹងថា ឪពុកស្លាប់ ក៏បង្កឲ្យមានការភ្ញាក់ផ្អើលដល់ប្រជាពលរដ្ឋរាយការណ៍ទៅសមត្ថកិច្ចមូលដ្ឋានចុះមកកន្លែងកើតហេតុភ្លាមៗតែម្ដង ។
បន្ទាប់មកសមត្ថកិច្ចមូលដ្ឋានបានទាក់ទងសមត្ថកិច្ចជំនាញកោសល្យវិច្ឆ័យខណ្ឌចុះមកពិនិត្សសពរួចក៏បានសន្និដ្ឋានថា ជនរងគ្រោះស្លាប់ដោយសារ ខ្យល់គរ ពិតប្រាកដមែន មិនពាក់ព័ន្ធករណីអ្វីផ្សេងនោះទេ ។ ក្រោយពីពិនិត្យចប់សពគ្រប់ហើយនោះសមត្ថកិច្ចបានធ្វើកំណត់ហេតុប្រគល់សពជនរងគ្រោះឲ្យក្រុមគ្រួសារយកទៅធ្វើបុណ្យតាមប្រពៃណី ៕
