អាសូរ! បុរសម្នាក់ត្រូវរថយន្តមិនស្គាល់ម៉ាកបុកអូសជាច្រើនម៉ែត្រស្លាប់គួរឲ្យសង្វេក
ភ្នំពេញេ៖ បុរសម្នាក់ ត្រូវរថយន្តមិនម៉ាកបើកបុក អូសជាច្រើន ម៉ែត្របណ្ដាលឲ្យស្លាប់យ៉ាង អាណោច អធម៌
គ្រោះថ្នាក់ចរាចរណ៍គួរឲ្យរន្ធត់នេះបានកើតឡើងកាលពី ម៉ោង១២និង២០នាទី រំលងអាធ្រាត្រឈានចូលថ្ងៃទី២៥ខែតុលាឆ្នាំ២០១៩នៅតាម បណ្ដោយ ផ្លូវជាតិលេខ៤ ត្រង់ចំណុចខាងលិច កន្លែងលក់សាច់ក្រក ជាង២០ម៉ែត្រ ស្ថិតក្នុងភូមិគល់ សង្កាត់កន្ទោក ខណ្ឌកំបូល ។
សពបុរសរងគ្រោះ នៅមិនទាន់ស្គាល់អត្តសញ្ញាណនៅឡើយទេ-ជិះម៉ូតូម៉ាក ហុងដាឌ្រីម ស៊េរីឆ្នាំ២០១១ ពណ៌ខ្មៅពាក់ស្លាកលេខ ភ្នំពេញ1AT-5468 ។ ភិនភាគជនរងគ្រោះមាន សំបុលខ្មៅស្រអែម កំពស់ ប្រហែល១ម៉ែត្រ៦០ ពាក់អាវយ៉ឺតពណ៌ខ្មៅដៃខ្លី ស្លៀកខោសាច់ក្រណាត់ពណ៌ប្រផេះ និង នៅលើដងខ្លួនមានចាក់សាក់ជាច្រើនកន្លែង។
បើតាមប្រភពព័ត៌ពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តមួយគ្រឿងមិនចាំម៉ាកបើកតាមបណ្តោយផ្លូវជាតិលេខ៤ ទិសដៅពីលិចទៅកើតក្នុងល្បឿនយ៉ាងលឿន ខណៈមកដល់ចំណុចកើតហេតុខាងលើ ស្ថានភាពផ្លូវ ងងឹតមិនបានប្រុងប្រយត្ន័ក៏ជ្រុលទៅបុកបុរសម្នាក់ ដែលកំពុងជិះម៉ូតូទិសដៅបញ្ច្រាស់គ្នាពេញទំហឹងអូសជាច្រើនម៉ែត្រ បណ្ដាលឲ្យស្លាប់បាត់បង់ជីវិតនៅនិងកន្លែងគួរឲ្យរន្ធត់ ។
ប្រភពបន្តថា បន្ទាប់ពីកើតហេតុរថយន្តបង្កមិនបានឈប់ទទួលខុសត្រូវនោះទេ បែជាបន្ថែមល្បឿនបើកគេចបាត់ស្រមោលដោយសុវត្ថិភាព ។
ក្រោយពេលកើតហេតុសមត្ថកិច្ចជំនាញបានចុះមកធ្វើ កំណត់ហេតុរួចឲ្យរថយន្តដឹកសពជនរងគ្រោះយកទៅតម្កល់នៅវត្តទឹកថ្លាដើម្បីស្រាវជ្រាវស្វែងរកសាច់ញាតិមកយកទៅធ្វើបុណ្យតាមប្រពៃណី ។ ចំណែកម៉ូតូសមត្ថកិច្ចបាន វាស់វែងយកទៅរក្សាទុកនៅអធិការដ្ឋានខណ្ឌកំបូលដើម្បីរងចាំក្រុមគ្រួសារមកទទួលយកទៅវិញ៕
