នគរបាលប៉ុស្តិ៍ចាក់អង្រែលើ ឃាត់ខ្លួនជនសង្ស័យម្នាក់ដកហូតថ្នាំញៀន២៤កញ្ចប់
ភ្នំពេញ៖ កម្លាំងនគរបាលប៉ុស្តិ៍ចាក់អង្រែលេី ឃាត់ខ្លួនជនសង្ស័យម្នាក់ដែលជាមុខសញ្ញាចែកចាយនិងជួញដូរថ្នាំញៀន ដកហូតបានថ្នាំញៀន២៤កញ្ចប់
ហេតុការណ៍ឃាត់ខ្លួននេះបានធ្វើឡើងកាលពីវេលាម៉ោង០១និង០០នាទីរំលងអាធ្រាត្រចូលថ្ងៃទី២ខែវិច្ឆិកាឆ្នាំ២០១៩ នៅចំណុចសំណង់មិនរៀបរយផ្លូវ៦០ម៉ែត ក្រុម៨ ភូមិ ព្រែកតាគង់ សង្កាត់ចាក់អង្រែលើ ខណ្ឌ មានជ័យ ។
លោក នាយប៉ុស្តិ៍នគរបាលចាក់អង្រែលើបានឲ្យដឹងថា ជនសង្ស័យដែលសមត្ថកិច្ចឃាត់ខ្លួនមានឈ្មោះ លីហេង ហៅ តុង ភេទ ប្រុស អាយុ១៩ឆ្នាំ ជនជាតិ វៀតណាម មុខរបរ និងស្នាក់នៅ មិនពិតប្រាកដ ។
លោក នាយប៉ុស្តិ៍ បានបន្តថា មុនពេលឃាត់ខ្លួនជនសង្ស័យ គឺកម្លាំងនគរបាលប៉ុស្តិចាក់អង្រែលើ បានចេញធ្វើការល្បាតពួកស្ទាក់ក្នុងមូលដ្ឋាន ដើម្បីធានាសុខសុវត្ថិភាពជួនប្រជាពលរដ្ឋ ខណៈល្បាតមកដល់ចំណុចកើតហេតុ ក៏បានប្រទះឃើញ ជនសង្ស័យហៅសួរនាំឆែកឆេ រកឃើញថ្នាំញៀនចំនួន២៤កញ្ចប់( តូច២៣ ធំ១ ) ភ្លាមៗកម្លាំងសមត្ថកិច្ចបានឃាត់យកមកធ្វើការសាកសួរនៅបន្តនៅប៉ុស្តិ៍នគរបាលចាក់អង្រែលើតែម្ដង ។
បច្ចុប្បន្ន ជនសង្ស័យរួមនិងវត្ថុតាងត្រូវបាននគរបាលប៉ុស្តិ៍ចាក់អង្រែលើ កសាងសំណុំរឿងបញ្ជួនទៅអធិការនគរបាលខណ្ឌមានជ័យ ដើម្បីចាត់ការបន្តតាមនិតិវិធីច្បាប់ ៕
