ស្រាវឹងស្រាបើករថយន្តបុករះម៉ូតូកង់បីនិងចញលផ្ទះប្រជាពលរដ្ឋ
ភ្នំពេញ៖ បុរសម្នាក់ស្រវឹងស្រាបើករថយន្តលឿនមិនប្រយត្ន័បុករះចូលផ្ទះប្រជាពលរដ្ឋរងការខូចខាតទ្រព្យសម្បត្តិជាច្រើនត្រូវបានពលរដ្ឋចាប់អ្នកបើកបរប្រគល់អោយសមត្ថកិច្ច ៖ ហេតុការគ្រោះថ្នាក់ចរាចរណ៍នេះបានបង្កការភ្ញាក់ផ្អើលកាលពីវេលាម៉ោង១២ និង២០នាទីរំលង អធ្រាត្រឈានចូល ថ្ងៃទី១២ ខែវិច្ឆិកាឆ្នាំ២០១៩ នៅចំណុចខាងជើង វត្តទួលសង្កែប្រហែលជាង១០០ម៉ែត្រ ភូមិទួលសង្កែ សង្កាត់ទួលសង្កែទី១ ខណ្ឌឬស្សីកែវ ។
តាមប្រភពពីកន្លែងកើតហេតុបានឲ្យដឹងថា ដំបូងឡើយគេឃើញរថយន្តម៉ាកISUZUដឹកទំនិញ មួយគ្រឿង ពណ៌ស ពាក់ស្លាកលេខ ភ្នំពេញ2AM-3759 បើកដោយបុរសម្នាក់ និងមានអ្នករួមដំណើរ២នាក់ទៀត ធ្វើដំណើរតាមបណ្ដោយផ្លូវបេតុងទិសដៅពីត្បូងទៅជើង ក្នុងល្បឿនយ៉ាងលឿនមានស្ថានភាព ស្រវឹងផងនោះ ខណៈមកដល់ចំណុចកើតហេតុបានរ៉េចង្កូតទៅខាងស្ដាំក៏ជ្រុលទៅបុកម៉ូតូកង់បីឥណ្ឌា ពណ៌ស គ្មានស្លាកលេខចតស្ងៀមនៅលើចិញ្ចើមផ្លូវបណ្ដាលឱ្យខូចខាតយ៉ាងដំណំ ហើយក៏បន្តទៅបុកផ្លាក ផ្ទះសំណាក់បាក់១ដើមនិងបុកចូលផ្ទះប្រជាពលរដ្ឋបាក់ទ្វារនិងខូចខាតអីវ៉ាន់ចាប់ហួយរាយប៉ាយពេញផ្ទះនិងរងការ ខូចខាតម៉ូតូសង់កូរ៉េ ម៉ូតូវ៉េវ ២គ្រឿងបន្ថែមទៀត។ ភ្លាម២អ្នកបើករថយន្តបង្កបានបើកថយក្រោយបំណងបើកគេចក៏ត្រូវរថយន្តវីហ្គោ ពណ៌ស មួយគ្រឿងទៀតគ្មានស្លាកលេខបានខូចខាតផ្នែកខាងមុខយ៉ាងដំណំកល់ជាប់ទៅលែងក៏បានឈប់រថយន្ត ចុះបម្រុងរត់តែត្រូវបានប្រជា ពលរដ្ឋនិងម្ចាស់ផ្ទះចាប់បានតៃកុងម្នាក់ រត់រួចពីរនាក់ តែក្នុងហេតុការណ៏គ្រោះថ្នាក់ ចរាចរណ៏នេះមិនមានអ្នករងរបួសនោះទេ។
ក្រោយពេលកើតហេតុសមត្ថកិច្ចមូលដ្ឋានជំនាញ ចរាចរណ៍ វាស់វែងយករថយន្តនិងម៉ូតូកង់បីទៅរក្សាទុកនៅអធិការដ្ឋានខណ្ឌឫស្សីកែវ រងចាំដោះស្រាយគ្នានៅពេលក្រោយ៕
