ជិះម៉ូតូលឿនមិនប្រយត្ន័បុករថយន្តពីក្រោយដួល បោកក្បាលស្លាប់គួរឲ្យរន្ធត់
ភ្នំពេញ៖ អាសូរបុរសម្នាក់ជិះម៉ូតូលឿនខ្វះការប្រុងប្រយត្ន័ជ្រុលបុករថយន្តពីក្រោយដួលបែកក្បាលស្លាប់គួរឲ្យអាណោចអាធ័ម
ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោងជាង១១យប់ថ្ងៃទី១៦ខែវិច្ឆិកាឆ្នាំ២០១៩ នៅតាមបណ្តោយផ្លូវជាតិលេខ(៦អា) កែងស្តុបនាងមច្ឆា ក្នុងសង្កាត់ជ្រោយចង្វារ ខណ្ឌជ្រោយចង្វារ ។
សពជនរងគ្រោះមានឈ្មោះ ញ៉ាញ់ ដេត ភេទប្រុស អាយុ២៦ឆ្នាំ មានស្រុកកំណើត ភូមិកំពង់រាំង ឃុំសេដា ស្រុកតំបែរ ខេត្ដត្បូងឃ្មុំ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសរងគ្រោះជិះម៉ូតូ ធន់ធំ មួយគ្រឿងម៉ាក Honda Winnerពណ៌ខ្មៅលាយលឿងពាក់ស្លាកលេខ ភ្នំពេញ 1HL-5157 ជិះម្នាក់ឯងតាមបណ្តោយផ្លូវជាតិលេខ(៦អា) ទិសដៅពីត្បួងទៅជើងក្នុងល្បឿនយ៉ាងលឿនមិនបាន ប្រុងប្រយ័ត្ន ខណៈមកដល់ចំណុចកើតហេតុ ក៏ជ្រុលទៅបុករថយន្តមួយគ្រឿងមិនចាំម៉ាកនៅខាងមុខ បណ្តាលឲ្យដួលបោកក្បាលនិងថ្នល់ ស្លាប់យ៉ាងអាណោចអាធម៌ ។ ចំណែករថយន្តបានបន្ថែមបន្តដំណើរមុខបាត់ស្រមោល។
ក្រោយកើតហេតុសមត្ថកិច្ចមូលដ្ឋាននិងសមត្ថកិច្ចជំនាញវាស់វែងយកម៉ូតូទៅរក្សាទុកបណ្តោះអាសន្នរង់ចាំប្រគល់ជួនចាស់ញាតិវិញ។ ដោយឡែកសពជនរងគ្រោះសមត្ថកិច្ចធ្វើកំណត់ហេតុប្រគល់ឲ្យសាច់ញាតិយកទៅស្រុកកំណើធ្វើបុណ្យតាមប្រពៃណី៕
