រថយន្តមិនស្គាល់ម៉ាកបើកបុករះបង្គោលភ្លើងនឹងស្លាកប៉ានណូបាក់រៀបដល់ដីនៅផ្លូវជាតិលេខ១
ភ្នំពេញៈ បង្គោលភ្លើងបំន្លឺផ្លូវមួយដើមនឹងស្លាកប៉ានណូមួយផ្ទាំងបានបាក់រៀបដល់ដី ដោយសារតែរថយន្តមិនស្គាល់ម៉ាកបើកបុករះហយបើកគេចបាត់។
ហេតុការណ៍នេះបានភ្ញាក់ផ្អើលឡើងវេលាម៉ោង៥ទាបភ្លឺ ថ្ងៃទី ១៨ ខែ វិច្ឆិកា ឆ្នាំ ២០១៩ នៅតាមបណ្តោយផ្លូវជាតិលេខ១ សង្កាត់និរោធ ខណ្ឌច្បារអំពៅ រាជធានីភ្នំពញ ។
បើតាមសម្តីប្រជាពលរដ្ឋរស់នៅក្បែរកន្លែងកើតហេតុបានអោយដឹងថា នៅវេលាម៉ោង៤ទាបភ្លឺគាត់បានលឺសូសម្លេងលាន់ប្រាវ ហើយគាត់មិនបានចាប់អារម្មណ៍ទេក៏សម្រានលក់ទៅវិញ រហូតដល់ម៉ោង៥ គាត់ក្រោកពីដំណេកចុះមកស្រាប់តែឃើញបង្គោលភ្លើងមួយដើមនឹងស្លាកប៉ាន់ណូមួយផ្ទាំងបានបាក់រាយប៉ាយខ្ទាតពេញផ្លូវ ទើបគាត់រាយការណ៍ជូនសមត្ថកិច្ចមូលដ្ឋានអោយចុះមកពិនិត្យជាក់ស្តែង។
ក្រោយទទួលបានសេចក្តីរាយការណ៍ពីប្រជាពលរដ្ឋភ្លាមៗសមត្ថកិច្ចជំនាញបានចុះមកដល់ទីតាំងកើតហេតុហើយបានសន្និដ្ឋានថា បង្គោលភ្លើងនឹងស្លាកប៉ាន់ណូទាំងនេះបាក់ដោយសាររថយន្តធន់ធំបុករះហើយរថយន្តបើកគេចបាត់ បើសិនរថយន្តធន់តូចបុកប្រាកដជាគៀបជាប់នឹងបង្គោលភ្លើងជាមិនខាន។ បន្ទាប់ពីពិនិត្យសមត្ថកិច្ចបានខាងជំនាញមកធ្វើការជួសជុលបង្គោលភ្លើងនឹងស្លាកប៉ានណូឡើងវិញដើម្បីលម្អសណ្តាប់ធ្នាប់សាធារណៈ៕
