Angelina Jolie រំលឹកអនុស្សាវរីយ៍មិនអាចបំភ្លេចបានជាមួយ ព្រះរាម បុប្ផាទេវី ក្រោយ ទទួល ដំណឹងទ្រង់សោយទិវង្គត

ការ យាង សោយ ទិវង្គត របស់ សម្ដេច រាជបុត្រី ព្រះរាម នរោត្ដម បុប្ផាទេវី ទេពនាថវដ្ដីឯក បាន ធ្វើ ឲ្យ ប្រជាជន ខ្មែរ ទាំង ក្នុង និង ក្រៅ ប្រទេស មាន ទុក្ខ យ៉ាង ក្រៀមក្រំ បំផុត ដែល មិន អាច បំភ្លេច បាន ឡើយ ។ សូម្បី តែ តារាហូលីវូត អ្នកស្រី Angelina Jolie ក៏ បាន បង្ហោះ សារ ចូល រួម រំលែកទុក្ខ ដ៏ ក្រៀមក្រំ មួយ នេះ ផង ដែរ ។

ក្រៅ ពី បង្ហោះ សារ ចូល រួម រំលែក ទុក្ខ អ្នក ស្រី Angelina Jolie ក៏ បាន រំលឹក នូវអនុស្សាវរីយ៍ ខណៈ ពេល ខ្លួន មក ថត រឿង នៅ កម្ពុជា ដោយ ពេល នោះ អ្នក ស្រី បាន ថត រូប ទុក ជា ជា មួយ សម្ដេច រាជបុត្រី ព្រះរាម នរោត្ដម បុប្ផាទេវី ជាមួយ អារម្មណ៍ សប្បាយ រីករាយ បំផុត។
អ្នកស្រី Angelina Jolie បាន បង្ហោះ សារ ជា ភាសារ អង់គ្លេស នៅ លើ Instagram ថា៖” Your memory will never be forgotten. Give our Deepest condolences to our beloved Mother Princess Buppha Devi Rip ដែល មាន ន័យ ជា ភាសារ ខ្មែរ ថា ការ ចង់ចាំ របស់ អ្នក នឹង មិន ត្រូវ បាន បំភ្លេច ចោល ឡើយ ។ សូម ចូល រួម មរណទុក្ខ ដ៏ ក្រៀម ក្រំ បំផុត ដល់ ព្រះ នាង ម្ចាស់ ក្សត្រី មាតា ជា ទី ស្រឡាញ់ បុប្ផាទេវី”។

គួរ បញ្ជាក់ ថា សម្ដេច រាជបុត្រី ព្រះរាម នរោត្ដម បុប្ផាទេវី ទេពនាថវដ្ដីឯក អតីត សមាជិក ក្រុម ប្រឹក្សា ធម្មនុញ្ញ ទ្រង់ យាង សោយទិវង្គត នា ថ្ងៃ ទី ១៨ ខែ វិច្ឆិកា ឆ្នាំ ២០១៩ ក្នុង មន្ទីរពេទ្យ នៃព្រះរាជណាចក្រ ថៃ ដោយ ជរាពាធ៕ (ប្រភព ដេីមដូង)