ផ្អើល! ដណ្ដើមបាច់ផ្កាថ្ងៃមង្គលការ កែវ សីហា យប់មិញ ណាក់ ស្រីណា ត្រូវបុរសម្នាក់ដួលសង្កត់ពីលើ(វីដេអូ)
មង្គលការពិធីការិនី កែវ សីហា និងលោកដុកទ័រត្រូវបានបញ្ចប់ហើយកាលពីរាត្រីថ្ងៃទី២៧ ខែវិឆ្ឆិកា ឆ្នាំ២០១៩ នេះក្រោមវត្តមានភ្ញៀវកិត្តិយសទាំងក្នុង និងក្រៅសិល្បៈចូលរួមយ៉ាងច្រើនកុះករផងដែរ។ ក្នុងថ្ងៃជ័យមង្គលនេះដែរអ្វីដែលធ្វើឲ្យភ្ញៀវកិត្តិយសភ្ញាក់ផ្អើលនោះពិធីការិនីរូបស្រស់សោភា ណាក់ ស្រីណា ត្រូវបានបុរសម្នាក់ដួលសង្កត់ពីលើខណៈនាង ឈរចាប់ដណ្ដើមបាច់ផ្កាពីកូនក្រមុំ និងកូនកំលោះជាមួយអារម្មណ៍រីករាយបំផុតដោយមិននឹកស្មានថាជួបហេតុការបែបនេះឡើយ។ ក្រោយពីឃើញ ណាក់ ស្រីណា ត្រូវបានបុរសម្នាក់ដួលសង្កត់ពីលើដូច្នេះ ភ្លាមៗនោះមិត្តភ័ក្ដិក្នុងសិល្បៈរបស់នាង ជាច្រើនបានសម្ដែងការព្រួយបារម្ភដោយសួរសំនួរទៅពិធីការិនី និងជាតារាសម្ដែងរូបនេះថា៖” ស្រីណា យ៉ាងម៉េចហើយជួយលើកគាត់ឡើងផង”។ទោះបីជាបុរសម្នាក់ដួលសង្កត់លើ ណាក់ ស្រីណា ខណៈពេលដណ្ដើមបាច់ផ្កាក្ដីតែនាង មិនមានគ្រោះថ្នាក់អ្វីនោះទេ៕
