ស្អាតៗនោះ! ការពិតជាមេក្លោងជួញដូរថ្នាំញៀន ត្រូវសមត្ថកិច្ចចាប់វៃខ្នោះ
ភ្នំពេញ ៖ កម្លាំងចម្រុះរបស់មន្ទីរប្រឆាំងគ្រឿងញៀនក្រសួងមហាផ្ទៃ ដឹកនាំដោយ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន ក្រសួងមហាផ្ទៃ, លោក ឧត្តមសេនីយ៍ទោ ហួត ចាន់យ៉ារ៉ាន់ ស្នងការរងទទួល ផែនការងារប្រឆាំងគ្រឿងញៀន រាជធានីភ្នំពេញ សហការជាមួយគណៈបញ្ជាការឯកភាពខណ្ឌច្បារអំពៅ និងដោយមានការសម្រប សម្រួលផ្លូវច្បាប់ពីលោក គុជ គឹមឡុង ព្រះរាជអាជ្ញាររង នៃអយ្យការអមសាលាដំបូងរាជធានីភ្នំពេញបានបើកប្រតិបត្តិការបង្ក្រាបគ្រឿងញៀនទ្រុងទ្រាយធំ ២ទីតាំងផ្សេងគ្នាឃាត់ខ្លួនជនសង្ស័យប្រុសស្រី៤នាក់ដកហូតថ្នាំញៀននិងសម្ភារៈពាក់ពន្ធ័ការកែច្នៃនិងគ្រឿងញៀនជាច្រើន ។
សមត្ថកិច្ចបានឲ្យដឹងថា ប្រតិបត្តិការបង្ក្រាបគ្រឿងញៀនកណ្តាលរាជធានីភ្នំពេញនេះធ្វើឡើងកាលពីវេលាម៉ោង១០និង៣០នាទីយប់ថ្ងៃទី០៣ ខែធ្នូ ឆ្នាំ ២០១៩ នៅចំណុចផ្ទះជួលគ្មានលេខផ្លូវ១១៣ ក្រុម២៣ ភូមិ០៣ សង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ ។ ឃាត់ខ្លួនជនសង្ស័យជាជនជាតិវៀតណាមចំនួន ០៤នាក់ រួមជាមួយថ្នាំញៀនប្រហែល ១០គីឡូក្រាម ។ បន្ទាប់ពីបង្ក្រាបបានមុខសញ្ញាចែកចាយនិងផលិតថ្នាំញៀនចំនួន៤នាក់រួចមក នៅព្រឹកថ្ងៃទី៤ខែធ្នូ ឆ្នាំ២០១៩ កម្លាំងសមត្ថកិច្ចចម្រុះបានបន្តការ ស្រាវជ្រាវឈានដល់ការរកឃើញទីតាំងផលិតថ្នាំញៀនមួយកន្លែងទៀតនៅចំនុចព្រំប្រទល់រវាងសង្កាត់ព្រែកថ្មីនិងសង្កាត់ព្រែកឯង ផ្ទះលេខ៤៧ ផ្លូវលេខ ១១២ ភូមិរបោះអង្កាញ់១ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។
ជាលទ្ធផលក្នុងការឆែកឆេរទីតាំងផលិតថ្នាំញៀនសមត្ថកិច្ចបានរកឃើញសម្ភារៈនិងសារធាតុសម្រាប់ផលិតថ្នាំញៀន រួមមាន ម្សៅក្រាមពណ៌សថ្លាចំនួន ០១កញ្ចប់, ក្រាមពណ៌ត្នោត ២០កញ្ចប់, សារធាតុរាវ ៣៨ដប, សារធាតុរាវពណ៌ខ្មៅ ២៤ចានជ័រធំ (ក្លាសេក្នុងទូរទឹកកក០២), ឧបករណ៍ផលិតកែច្នៃមួយចំនួនសារធាតុរាវពណ៌ស ១ប៊ីដុង,ស្លាកលេខម៉ូតូវៀតណាមចំនួនបី,ការឆែកឆេរ កន្លែងកែច្នៃសារធាតុញៀនទាំង២ទីតាំងរកឃើញថ្នាំញៀនសរុបជាង៣០គីឡូក្រាម និងសម្ភារៈពាក់ព័ន្ធជាមួយការផលិតគ្រឿងញៀនជាច្រើនមុខ ។
ក្រោយឆែកឆេររកឃើញវត្ថុតាងទាំងអស់បានដកហូតពីទីតាំងខាងលើនឹងជនសង្ស័យប្រុសស្រីទាំង៤នាក់ទៀត ត្រូវបានប្រគល់ជួនមន្ទីរប្រឆាំងគ្រឿងញៀនក្រសួងមហាផ្ទៃ ដើម្បីចាត់ការបន្ត។
សមត្ថកិច្ចបានឲ្យដឹងទៀតថា ជនសង្ស័យទាំង០៤នាក់មាន៖ទី១-ឈ្មោះ ទួន អាញ់ ភេទ ប្រុស អាយុ២៤ឆ្នាំ ជនជាតិវៀតណាម ស្នាក់នៅផ្ទះជួលគ្មានលេខ ផ្លូវ១១៣ ក្រុម២៣ ភូមិ០៣ សង្កាត់បឹងកេងកង២ ខណ្ឌបឹងកេងកង មុខរបរគ្មាន
ទី២-ឈ្មោះ ហ័ង វៀត ភេទប្រុស អាយុ២២ឆ្នាំ ជនជាតិវៀតណាម ស្នាក់នៅផ្ទះជួលគ្មានលេខ ផ្លូវ១១៣ ក្រុម២៣ ភូមិ០៣ សង្កាត់បឹងកេងកង២ ខណ្ឌបឹងកេងកង មុខរបរគ្មាន
ទី៣-ឈ្មោះ ធី ងុក ភេទស្រី អាយុ២១ឆ្នាំ ជនជា តិវៀតណាម ស្នាក់នៅផ្ទះជួលគ្មានលេខ ផ្លូវ១១៣ ក្រុម២៣ ភូមិ០៣ សង្កាត់បឹងកេងកង២ ខណ្ឌបឹងកេងកង មុខរបរគ្មាន
ទី៤-ឈ្មោះ ធី ងីន ភេទស្រី អាយុ៣០ឆ្នាំ ជនជាតិវៀតណាម ស្នាក់នៅផ្ទះជួលគ្មានលេខ ផ្លូវ១១៣ ក្រុម២៣ ភូមិ០៣ សង្កាត់បឹងកេងកង២ ខណ្ឌបឹងកេងកង មុខរបរគ្មាន៕
