លួចម៉ូតូកង់បី មិនបានសម្រេចត្រូវជាប់ខ្នោះរបស់សមត្ថកិច្ច
ភ្នំពេញ៖ កម្លាំងនគរបាលប៉ុស្តិ៍រដ្ឋបាល បឹងកក់ទី១ នៃអធិការដ្ឋាននគរបាលខណ្ឌទួលគោក ឃាត់ខ្លួនជនសង្ស័យម្នាក់បន្ទាប់ពីធ្វើសកម្មភាព (លួចម៉ូតូរឺម៉កកង់បី)
ហេតុការនេះបានកើតឡើងកាលពីវេលាម៉ោង២និង២០នាទីរំលងអាធ្រាត្រ ចូលថ្ងៃទី២១ខែធ្នូឆ្នាំ២០១៩ នៅចំណុចមុខការដ្ឋានសំណង់ផ្ទះលេខ១៣៥ផ្លូវលេខ៥២៤ ក្រុម៥០ ភូមិ១៣ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
សមត្ថកិច្ចបានអោយដឹងថា ជនសង្ស័យមានឈ្មោះ មិ សិលា ហៅខ្លា ភេទប្រុស អាយុ២២ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួលផ្លូវរថភ្លើង សង្កាត់ទួលសង្កែរទី១ ខណ្ឌឬស្សីកែវ រាជធានីភ្នំពេញ ។
វត្ថុតាងចាប់យករួមមាន៖ ១-ម៉ូតូ០១គ្រឿងម៉ាក Suzuki Smash ពណ៌ខៀវ ពាក់ស្លាកលេខ ភ្នំពេញ 1AF-8786 និងកន្ទុយរ៉ឺម៉កកង់បីមួយពណ៍លឿង (ជារបស់ជនរងគ្រោះ ដែលជនសង្ស័យឈ្មោះ មិ សិលា ហៅ ខ្លា លួច) បានធ្វើការប្រគល់ជូនជនរងគ្រោះវិញ។
បច្ចុប្បន្ន: ជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាន នគរបាលខណ្ឌទួលគោក ដើម្បីធ្វើការសាកសួរ និងកសាងសំណុំរឿងចាត់ការបន្តតាមផ្លូវច្បាប់៕
