សមត្ថកិច្ចឃាត់ខ្លួនបុរសម្នាក់រួមនិងអាវុធខ្លី១ដើម

ខេត្តតាកែវ៖ សមត្ថកិច្ច ស្រុកសំរោង ឃាត់ខ្លួនបុរស ម្នាក់ដកហូតកាំភ្លើងខ្លី១ដើម
ហេតុការណ៍ការនេះបានធ្វើឡើងកាលពីរវេលាម៉ោង ១២និង៤០នាទីរំលងអាធ្រាតឈានចូលថ្ងៃទី១៣ខែកក្ដដាឆ្នាំ២០១៨ នៅចំនុចភូមិព្រៃនាងពួនឃុំជុំរះពេន ស្រុកសំរោងខេត្តតាកែវ ។

ជនសង្ស័យមានឈ្មោះ ស៉ឹម សំ ភេទប្រុស អាយុ៥៧ ឆ្នាំ មុខរបរមិនពិតប្រាកដ មានទីលំនៅ ភូមិស្វាយទង ឃុំខ្វាវ ស្រុកសំរោង ខេត្តតាកែវ ។

លោក មឿង សារុន អធិការនគរបាល ស្រុកសំរោង បានឲ្យដឹងថា៖ នៅវេលាម៉ោងកើតហេតុខាងលើកំលាំងរបស់លោកបានធ្វើការល្បាតនៅក្នុងមូលដ្ឋានដោយសហការជាមួយកំលាំងប្រជាការពារភូមិពេល នោះបានជួបប្រទះនិងជនសង្ស័យ ក៏បានហៅសួរនាំ និងបានធ្វើការត្រួតពិនិត្យ ឆែកឆេរកឃើញមានអាវុធខ្លី១ដើមម៉ាកK៥៩ មានបង់១មានគ្រាប់២ក៏បានឃាត់ខ្លួនតែយកមកធ្វើការសាកសួរតែម្ដង ។

បច្ចុប្បន្នជនសង្ស័យរួមទាំងវត្ថុតាងត្រូវបានសមត្ថកិច្ចធ្វើការសាកសួរនិងកសាងសំណុំរឿងចាត់ការបន្តទៅ តាមនិតិវិធីច្បាប់៕