នគរបាលខណ្ឌដង្កោប្រកាសរកម្ចាស់រថយន្តម៉ាកRAV4 ស្លាកលេខភ្នំពេញ2AC-2916សូមទាក់ទងលេខទូរសព្ទ័០១២ ៧២៧ ៣៥៨
ភ្នំពេញ៖ កម្លាំងអន្ដរាគមន៍ នៃអធិការដ្ឋាននគរបាលខណ្ឌដង្កោ នៅថ្ងៃទី២០ ខែមករាឆ្នាំ២០២០ វេលាម៉ោង១០និង១០នាទីព្រឹក ដឹកនាំកម្លាំងដោយលោក ជឹម សុីថា អធិការនគរបាល ខណ្ឌដង្កោ បានចុះល្បាតនៅក្នុងមូលដ្ឋាន ខណៈមកដល់ចំណុចផ្ទះលេខ១២៣ ផ្លូវលេខ១១ ក្នុងបុរីពិភពថ្មីចំការដូង ស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ត្រូវបានប្រជាពលរដ្ឋ រាយការណ៍ថា មានរថយន្តមួយគ្រឿងម៉ាក RAV4 L ពណ៌ទឹកប្រាក់ ស្លាកលេខភ្នំពេញ2AC-2916បានយកមកចតទុកចោលអស់រយៈពេលជាច្រើនថ្ងៃ ដោយមិនឃើញមានម្ចាស់មកយកវិញ ហើយសាកសួរអ្នកនៅជុំវិញនោះក៏មិនមានអ្នកណាដឹង ទើបកម្លាំងសមត្ថកិច្ច បានស្ទូចយកទៅរក្សាទុកនៅប៉ុស្ដិ៍នគរបាលរដ្ឋបាលដង្កោ ដើម្បីស្រាវជ្រាវ និងរងចាំម្ចាស់ដើមមកទទួលយកទៅវិញ។
អធិការដ្ឋាននគរបាល ខណ្ឌដង្កោ ប្រកាសប្រសិនបើបងប្អូនប្រជាពលរដ្ឋណាបានដឹង ឬបានស្គាល់ម្ចាស់រថយន្ដនេះ ឬម្ចាស់ដើមបានដឹង សូមទំនាក់ទំនងមកលេខទូរស័ព្ទ ០១២ ៧២៧ ៣៥៨ ដើម្បីយកឯកសារមកទទួលយករថយន្ដខាងលើនេះវិញ ៕សូមអគុណ 
