នគរបាលស្រុកគិរីវងបង្ក្រាបទីតាំងដាំកញ្ឆាឃាត់ខ្លួនបុរសម្នាក់ជាម្ចាស់ចំការយកសួរនាំ
តាកែវ៖ កម្លាំងនគរបាល នៃអធិការស្រុកគិរីវង់បានចុះប្រតិបត្តិការណ៍បង្ក្រាបទីតាំងលួចលាក់ដាំដំណាំកញ្ឆាខុសច្បាប់មួយកន្លែងនៅចំណុចខាងក្រោមដាជំពុះសេក ស្ថិតក្នុងភូមិសាស្រ្ត ឃុំព្រះបាទជាន់ជុំ ស្រុកគិរីវង់ ខេត្តតាកែវ ។
ប្រតិបត្តិការណ៍នេះបានធ្វើឡើងកាលពីវេលាម៉ោង៤និង៣០នាទីរសៀលថ្ងៃទី០៣ខែកុម្ភៈឆ្នាំ២០២០ ដោយកម្លាំងសមត្ថកិច្ច បាន ឃាត់ខ្លួនបុរសម្នាក់ឈ្មោះ ផន ម៉ុច ភេទប្រុស អាយុ៣៥ឆ្នាំ មានទីលំនៅភូមិជ្រោយ ឃុំព្រះបាទជាន់ជុំ ស្រុកគិរីវង់ខេត្តតាកែវ(ជាអ្នកដាំ)ឃាត់ខ្លួននៅក្នុងចំការយកធ្វើការសួរនាំ។
បច្ចុប្បន្ន នគរបាលជំនាញបានធ្វើការឃាត់ខ្លួនបុរសម្នាក់យកមកសាកសួរ និងកសាងសំណុំរឿងចាត់ការតាម និតិវិធីច្បាប់ ៕
