នគរបាល ប្រឆាំងការជួញដូរមនុស្ស និងការពារអនីតិជន ឃាត់ខ្លួនជនសង្ស័យម្នាក់និងនារីជនរងគ្រោះ៦នាក់
ភ្នំពេញ៖ កម្លាំងការិយាល័យប្រឆាំងការជួញដូរមនុស្ស និងការពារអនីតិជន ឆ្មក់បង្ក្រាប និងឃាត់ខ្លួនជនសង្ស័យម្នាក់ រំដោះជនរងគ្រោះបាន៦នាក់
ប្រតិបត្តិការណ៍នេះធ្វើឡើងកាលពីវេលាម៉ោង០៣និង០០នាទីរសៀលថ្ងៃទី០៦ខែកុម្ភៈឆ្នាំ២០២០ នៅ២ទីតាំងផ្សេងគ្នា។
ទី១៖ នៅចំណុចភោជនីយ៍ដ្ឋាន ម្លប់ស្បូវមានលាភ ផ្លូវលេខ១០០៣ កែងផ្លូវលេខ១៩៥៦ ភូមិទំនប់ សង្កាត់ភ្នំពេញថ្មី ខណ្ឌសែនសុខ ឃាត់ខ្លួនជនសង្ស័យម្នាក់ឈ្មោះ កេត រតនៈ ហៅ អាហ្សា ភេទប្រុស អាយុ២៩ឆ្នាំ ជនជាតិខ្មែរនិងជនរងគ្រោះចំនួន០២នាក់ស្រី(នីតិជន) ។
ទី២៖ នៅចំណុចផ្ទះសំណាក់ ស្វីតប៊ូទិកម៉ូតែល (Sweet Boutique Motel) ផ្លូវលេខ១០០៣ កែងផ្លូវបេតុង សង្កាត់ភ្នំពេញថ្មី ខណ្ឌសែនសុខ ជនរងគ្រោះចំនួន ០៤នាក់ ស្រី (អនីតិជន០២នាក់) ។
បច្ចុប្បន្នជនសង្ស័យត្រូវបានសមត្ថកិច្ចធ្វើការនិងកសាងសំណុំរឿង បញ្ជូទៅសាលាដំបូងរាជធានីភ្នំពេញ ចាត់ការបន្តតាមផ្លូវច្បាប់។ ចំណែកជនរងគ្រោះចំនួន ០៦នាក់ (អនីតិជន ០២នាក់) ប្រគល់ជូនមន្ទីរសង្គមកិច្ចរាជធានីភ្នំពេញ៕
