ស្ត្រីម្នាក់បើករថយន្តបុករះផ្អើលពេញផ្លូវត្រូវនគរបាលមូលដ្ឋានឃាត់ប្រគល់ឲ្យជំនាញចាត់ការតាមច្បាប់
ភ្នំពេញ៖ ស្រីម្នាក់បើករថយន្តស៊េរីទំនើបម៉ាករ៉េងរ៉ូវើ មិនប្រយត្ន័ជ្រុលបុកស្ត្រីម្នាក់ខណះកំពុងឈរទិញអីហូបបណ្ដាលឲ្យដួលបោករងរបួសធ្ងន់ រួចព្យាយាមបើកគេច
ហេតុការណ៍នេះបានកើតឡើងកាលពីវេលាម៉ោង១០យប់ថ្ងៃទី១០ខែកុម្ភៈឆ្នាំ២០២០នៅតាមបណ្ដោយផ្លូវ៥១កែងនឹងផ្លូវ ១៧៤ ក្នុងសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។
បើតាមសម្ដីអ្នកដែលបានឃើញហេតុការណ៍បានឲ្យដឹងថា មុនកើតហេតុគេឃើញរថយន្តស៊េរីទំនើបម៉ាករ៉េងរ៉ូវើ ពណ៌ស មួយគ្រឿងពាក់ស្លាកលេខភ្នំពេញ2AR-3389បើកបរដោយស្ត្រីរូបស្រស់ម្នាក់សង្ស័យ ខ្វះការប្រុងប្រយត្ន័ក៏ជ្រុលទៅបុកស្ត្រីម្នាក់កំពុងឈរទិញអីហូបពេញបណ្ដាលឲ្យដួលបោកនឹងថ្នល់រងរបួសធ្ងន់។
ប្រភពបានបន្តថា ភ្លាមៗនោះម្ចាស់រថយន្តបង្កមិនព្រមឈប់ទទួលខុសត្រូវទេ បែជាព្យាយាមបើកគេច ត្រូវប្រជាពលរដ្ឋនាំគ្នាដេញតាមរហូតដល់ផ្លូវលេខ២១៥ចំណុចមុខផ្សារញ៉ែ ក្នុងសង្កាត់វាលវង់ ខណ្ឌ៧មករា បង្កការភ្ញាក់ផ្អើលដល់សមត្ថកិច្ច ចុះមកជួយអន្តរាគមន៍ តែនារីរូបស្រស់ជាអ្នកបើករថយន្តបង្កមិនព្រមឈប់នោះទេ ដោយបានព្យាយាមបើកគេចបន្តទៅមុខទៀត ក៏ជ្រុលកិនម៉ូតូសមត្ថកិច្ចមួយគ្រឿង ហើយសមត្ថកិច្ចបានឃាត់សួរនាំ តែនារីរូបមិនឈប់រហូតដល់ចំណុចភ្លើងស្តុបក្រហម ដោយមានរថយន្តជាច្រើនគ្រឿងនៅខាងមុខឈប់បន្តកន្ទុយគ្នា ទើបទៅមុខលែងរួចត្រូវសមត្ថកិច្ចចាប់បាន ឃាត់ទាំងរថយន្តនិងអ្នកបើកបរខណៈនោះដែរគេសង្កេតឃើញមានតែតំណាងខាងភាគីរថយន្តបង្កចុះមកអន្តរាគមន៍នៅកន្លែងកើតហេតុដើម្បីសុំអ្នកបើកបរយកត្រឡប់ទៅផ្ទះវិញ តែសាច់ញាតិជនរងគ្រោះមិនព្រមនោះទេ ដោយទុកជនបង្កប្រគល់ជូនជំនាញចាត់ការតាមនីតិវិធី ។
ក្រោយកើតហេតុសមត្ថកិច្ចជំនាញបានចុះមកដល់យកទាំងរថយន្តនិងអ្នកបើកបរទៅការិយាល័យចរាចរណ៍ផ្លូវគោកស្នងការនគរបាល រាជធានីភ្នំពេញដើម្បីធ្វើការដោះស្រាយគ្នាទៅតាមផ្លូវច្បាប់៕
