អាសូរ! នារីរូបស្រស់ម្នាក់បើករថយន្តសេរីទំនើបបុករបាំងថ្មក្រឡាប់ផ្ងាជើង របួសធ្ងន់ស្លាប់ពេលបញ្ជូនទៅមន្ទីរពេទ្យ
ភ្នំពេញ៖ នារីវ័យក្មេងស្រស់ស្អាតម្នាក់បើករថយន្តសេរីទំនើបលឿនខ្វះការប្រុងប្រយត្ន័ ជ្រុលទៅរបាំងថ្មចែកផ្លូវលើនៅលើស្ពានស្ទឹងមានជ័យក្រឡាបផ្ងាជើង បណ្ដាលឲ្យរងរបួសធ្ងន់ ស្លាប់ពេលបញ្ជួនទៅមន្ទីរពេទ្យ
ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង០២និង២៥នាទីរំលងអធ្រាត្រឈានចូលថ្ងៃទី១៣ខែកម្ភៈឆ្នាំ២០២០ នៅតាមបណ្ដោយផ្លូវ២១៧ ចំណុចស្ពានស្ទឹងមានជ័យ ក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
សពជនរងគ្រោះមានឈ្មោះ ហុង វ៉ានដូ ភេទស្រី អាយុ២៥ឆ្នាំ មុខរបររៀនខាងសំអាងនៅ ម្តុំផ្សារថ្មី រស់នៅក្នុងបុរីពិភពថ្មី ចំការដូង ផ្ទះលេខ២៦៣ ផ្លូវលេខ១៣ ។
យោងតាមប្រភពពីប្រជាពលរដ្ឋដែលឃើញហេតុការណ៏បានឲ្យដឹងថា មុនពេលកើតហេតុគេរថយន្តសេរីទំនើបម៉ាក ម៉ាស្តាពណ៌ស ពាក់ស្លាកលេខភ្នំពេញ2AQ.6626បើកបរ ដោយនារីរងគ្រោះធ្វើដំណើរតាមបណ្ដោយផ្លូវ២១៧ទិសដៅពីលិចទៅកើតក្នុងល្បឿនយ៉ាងលឿន ខណៈមកដល់ចំនុចកើតហេតុបានរ៉េចង្កូតទៅបុករបាំងថ្មចែកទ្រូងផ្លូវពេញទំហឹង បណ្ដាលឲ្យរថយន្តក្រឡាប់ផ្ងាជើង ឯម្ចាស់រងរបួសធ្ងន់ ភ្លាមៗត្រូវបានរថយន្តគ្លីនិចឯកជនសួរគា៏ដឹកយកទៅសង្គ្រោះតែដោយស្ថានភាពរបួសធ្ងន់ធ្ងរពេក ក៏បានដាច់ខ្យល់ស្លាប់ពេលបញ្ជួនទៅដល់មន្ទីរពេទ្យ។
ក្រោយពេលកើតហេតុសមត្ថកិច្ចមូលដ្ឋានក៏បានចុះទៅដល់ទាក់ទងទៅនគរបាលជំនាញចរាចរណ៏ក្រុងមកវាស់វែងស្ទូចយករថយន្តទៅរក្សារទុករងចាំដោះស្រោយនៅពេលក្រោយ។ ចំណែកសពរងគ្រោះសមត្ថកិច្ចធ្វើកំណត់ហេតុរួចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
