សាហាវម្លេះ! មន្ត្រីយោធាម្នាក់គ្រាន់តែរឿងគ្រោះថ្នាក់ចរាចរណ៍ដកកាំភ្លើងបាញ់បំបែកកង់ឡាន ត្រូវសមត្ថកិច្ចឃាត់ខ្លួន
ភ្នំពេញ៖ បុរសម្នាក់ដែលជាអ្នកបើករថយន្ត ស៊េរីទំនើបម៉ែកសឺដេស ពណ៍សពាក់ស្លាកលេខភ្នំពេញ២AY-០០០៩ ខឹងបុរសម្នាក់សង្ស័យស្រវឹងបើករថយន្តម៉ាកកូរ៉ូឡានពណ៍ស្ករពាក់ស្លាកលេខភ្នំពេញ2AS-6421បុកគូទរថយន្តថៅកែរបស់ខ្លួនបណ្ដាលឲ្យខូចខាត ហើយមិនព្រមឈប់នៅកន្លែងកើតហេតុក៏ដេញតាមទាន់ដកកាំភ្លើងបាញ់កង់រថយន្តបែកបង្កការភ្ញាក់ផ្អើលដល់កម្លាំងសមត្ថកិច្ចចុះឃាត់ភ្លាមៗយកទៅសាកសួរ
ហេតុការណ៍បង្កឲ្យមានការភ័យខ្លាចនេះបានកើតឡើងកាលពីវេលាម៉ោង០៨និង០០នាទីយប់ថ្ងៃទី២៩ ខែ កុម្ភ: ឆ្នាំ ២០២០ នៅក្នុងបរិវេនកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
បុរសដែលបង្កការផ្ទុះអាវុធមានឈ្មោះ ឡុង ឡងឌី អាយុ៣៥ឆ្នាំមុខរបរយោធា ស្នាក់នៅភូមិម័ល សង្កាត់-ខណ្ឌដង្កោ បានដកកាំភ្លើងម៉ាកឡុកបាញ់កង់រថយន្តកូរ៉ូឡា ត្រូវកម្លាំងនគរបាលឃាត់ខ្លួននិងបញ្ជូនទៅកងរាជអាវុធហត្ថរាជធានីភ្នំពេញ។
នគរបាលចរាចរណ៍ផ្នែកវាស់វែងបានឲ្យដឹងថា ហេតុការណ៍គ្រោះថ្នាក់ចរាចរណ៍រវាងរថយន្តម៉ាកកូរ៉ូឡាបើកបរដោយបុរសម្នាក់ស្រវឹងជោគជាំបើកស្របទិសគ្នាជាមួយនិងរថយន្តម៉ែកសឺដេស ដែលបើកបរបុរសម្នាក់បុកគូថរថយន្តសឺដេសបណ្ដាលខូចខាតផ្នែកខាងក្រោយ ហើយមិនដឹងថាមូលហេតុអ្វីបានជា បុរសបើកបររថយន្តសឺដេសដកកាំភ្លើងខ្លីបាញ់បំបែកកង់ តែភ្លាមៗត្រូវកម្លាំងនគរបាលបានឃាត់បុរសជាយោធា ដែលបានដកកាំភ្លើងខ្លីបាញ់។ ចំណែករថយន្តទាំង២គ្រឿងត្រូវបានវាស់វែងយកទៅរក្សាទុកនៅអធិការដ្ឋានខណ្ឌចំការមន ឯបុរសដែលដកកាំភ្លើងបាញ់ ដោយសារជាយោធា ក៏បានប្រគល់អោយទៅខាងកម្លាំងកងរាជអាវុធរាជធានីភ្នំពេញដើម្បីចាត់ការតាមផ្លូវច្បាប់ ៕
