ចេញផឹកសុីជិះម៉ូតូលឿនមិនប្រយត្ន័ជ្រុលទៅប៉ះម៉ូតូ១គ្រឿងទៀតដួលបោកថ្នល់បាក់ក៏ស្លាប់គួរឲ្យសង្វេកនៅផ្លូវជាតិលេខ១
កណ្តាល៖ បុរសម្នាក់ជិះម៉ូតូម៉ាក ហុងដា ឌ្រីមចេញពីផឹកសុីជាមួយមិត្តបើកលឿនខ្វះការប្រុងប្រយត្ន័ ជ្រុលទៅបុកជាមួយម៉ូតូស្មាសវី មួយគ្រឿងទៀត បណ្ដាលអោយដួលបោកក្បាលនិងថ្នល់បាក់ក ស្លាប់យ៉ាងអាណោចអធម៌នៅនិងកន្លែង
ហេតុការណ៍គ្រោះថ្នាក់ចរាចរណ៍គួរអោយរន្ធត់នេះបានកើតឡើងកាលពីវេលាម៉ោង១០និង១៥នាទីយប់ថ្ងៃទី៦ខែមិនាឆ្នាំ២០២០នៅតាមបណ្តោយផ្លូវជាតិលេខ១ ត្រង់ចំនុច(មុខមន្ទីរពេទ្យបង្អែកស្រុកកៀនស្វាយ) ស្ថិតក្នុងឃុំគគីរស្រុកកៀនស្វាយខេត្តកណ្តាល។
សពជនងគ្រោះមានឈ្មោះ ចិន សុំ ភេទប្រុសអាយុ៣៨ឆ្នាំមានស្រុកកំណើត ភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្ដាល ។
បើយោងតាមសម្តីមិត្តភក្រ័ជនរងគ្រោះបានប្រាប់អោយដឹងថាមុនពេលកើតហេតុរូបគាត់បានផឹកសុីជុំគ្នាជាមួយជនរងគ្រោះនៅម្តុំមុខវត្តចំប៉ារួចហើយក៏បែកផ្លូវគ្នាទៅផ្ទះរៀងខ្លួនស្រាប់តែមួយសន្ទុះក្រោយមកសមត្ថកិច្ចបានតេប្រាប់ថាមិត្តភក្រ័គាត់ជួបគ្រោះថ្នាក់ចរាចរណ៍ស្លាប់បាត់ហើយ ភ្លាមៗគាត់ក៏បានមកមើល ។
បើតាមប្រភពព័ត៌មាននៅកន្លែងកើតហេតុបានឲ្យដឹងថា មុនដំបូងគេឃើញជនរងគ្រោះជិះម៉ូតូគ្រឿងម៉ាកហុងដា ឌ្រីម ពណ៌ខ្មៅពាក់ស្លាកលេខកណ្តាល1AA-8934 ធ្វើដំណើរតាមបណ្ដោយផ្លូវជាតិលេខ១ ទិសពីភ្នំពេញទៅអ្នកលឿង ក្នុងល្បឿនយ៉ាងលឿន មិនប្រយត្ន័ ខណៈមកដល់ចំណុចកើត ក៏ជ្រុលទៅបុកម៉ូតូគ្រឿងទៀតម៉ូតូស្មាសវី ពាក់ស្លាកលេខកំពត1F-0924 បណ្តាលឲ្យដួលម៉ូតូជនរងគ្រោះដួលអូសជាច្រើនម៉ែត្របាក់កស្លាប់គួរឲ្យរន្ធត់ ។
ក្រោយពេលកើតហេតុសមត្ថកិច្ចជំនាញផ្នែកចរាចរណ៍ស្រុកកៀនស្វាយចុះមកវាស់វែងនិងយកម៉ូតូទាំង២គ្រឿងទៅរក្សាទុកនៅអធិការដ្ឋានស្រុកកៀនស្វាយ ដើម្បីកសាងសំណុំរឿងចាត់ការបន្តតាមច្បាប់ ។ ចំណែកសពជនរងគ្រោះសមត្ថិច្ចធ្វើកំណត់ហេតុប្រគល់អោយក្រុមគ្រួសាយកទៅធ្វើបុណ្យតាមប្រពៃណីនៅស្រុកកំណើត៕ ដោយបងឃី
