សង្ស័យតៃកុងស្រវឹងបើករថយន្តបែនដឹកដីរេចង្កូតឡេីងសួនច្បារចែកផ្លូវជ្រុលបុកបង្គោលស្លាកប៉ាណូបាក់អស់១ដេីមរាបដល់ដី
ភ្នំពេញ៖ បុរសម្នាក់សង្ស័យស្រវឹងស្រាបេីករថយន្តបែនដឹកដី ធន់ធំលឿនខ្វះការប្រុងប្រយត្ន័បានរេចង្កូតឡេីងសួនច្បារចែកទ្រូងផ្លូវ ជ្រុលទៅបុកនិងបង្គោលស្លាកប៉ាណូ បណ្ដាលឲ្យបាក់រាបដល់ដីខូចខាតសួនច្បារនិងស្លាកប៉ាណូយ៉ាងដំណំ
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១១និង៤០នាទីយប់ថ្ងៃទី១១ ខែមិនាឆ្នាំ២០២០ នៅតាមបណ្ដោយផ្លូវ២១៧ ក្នុងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។
យោងតាមប្រភពព័ត៌មានពីកន្លែងកេីតហេតុ បានឲ្យដឹងថា នៅមុនពេលកេីតហេតុគេបានឃេីញ រថយន្តបង្កប្រភេទបែនដឹកដីធន់ធំម៉ាក SCANIA ពណ៍ទឹកប៊ិច ពាក់ស្លាកលេខ ភ្នំពេញ3E-7448 បើកបរដោយបុរសម្នាក់ធ្វេីដំណេីរតាមបណ្ដោយផ្លូវ២១៧ ទិសដៅពីជេីងទៅត្បូង ក្នុងល្បឿនយ៉ាងលឿន ខណៈមកដល់ចំណុចកេីតហេតុ ខាងលេី ស្រាប់តែរថយន្តបានរេចង្កូតទៅខាងឆ្វេងដៃ ឡេីងសួនច្បារចែកទ្រូងផ្លូវ បុករះដើមផ្កានិងស្លាកប៉ាណូ បណ្ដាលឲ្យបាក់រាបដល់ដីរងការខូចខាតសួនច្បារ និងស្លាកប៉ាណូ តែសំណាងល្អមិនបង្ករឲ្យមនុស្សរងរបួស។
ប្រភពបានបន្តថា បន្ទាប់ពីបង្កហេតុភ្លាមៗអ្នកបើកបររថយន្តបានចុះរួចគេចខ្លួនបាត់ស្រមោល ។
ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់ទីតាំងកើតហេតុ និងបានទាក់ទងទៅសមត្ថកិច្ចជំនាញចុះមកវាស់វែង យករថយន្តបង្កទៅរក្សារទុកនៅ អធិការដ្ឋាននគរបាលខណ្ឌដង្កោ រងចាំដោះស្រាយគ្នាតាមនិតិវិធីច្បាប់នៅពេលក្រោយ ៕
