លោក ហង្ស បណ្ឌិត ចាងហ្វាង!(អាណាចក្រនគរភ្នំ)នឹងសហការី ត្រូវអាវុធហត្ថខេត្តស្វាយរៀងឃាត់ខ្លួន
ស្វាយរៀង៖ កម្លាំងកងរាជអាវុធហត្ថខេត្តស្វាយរៀងបានឃាត់ខ្លួន លោក អុន សំអឿន (ហៅហង្ស បណ្ឌិត )ចាងហ្វាងវេបសាយ(អាណាចក្រនគរភ្នំ)រួមនឹងសហការីម្នាក់ទៀត ក្រោយសាកសួរចប់។
ការឃាត់ខ្លួននេះបានធ្វើឡើងនៅទីបញ្ជាការកងរាជអាវុធហត្ថខេត្តស្វាយរៀង នៅវេលាម៉ោង១២ថ្ងៃត្រង់ថ្ងៃទី២៥ខែមិនាឆ្នាំ២០២០។
យោងតាមសេចក្ដីរាយការណ៍បានឱ្យដឹងថា៖ លោក ហង្ស បណ្ឌិត នឹងសហការី បានចូលទៅបំភ្លឺ នៅទីបញ្ជាការកងរាជអាវុធហត្ថខេត្តស្វាយរៀង នៅព្រឹកទី២៥ខែមិនាឆ្នាំ២០២០នេះ តាមលិខិតកោះហៅ ចេញដោយលោកវរសេនីយ៍ឯក ស្រី វុត្ថា មន្ត្រីនគរបាលយុត្តិធម៌ អង្គភាពបញ្ជាការដ្ឋានកងរាជអាវុធហត្ថខេត្តស្វាយរៀង។
យោងតាមមាត្រា៩២ និងមាត្រា១១៤នៃក្រមនីតិវិធី ព្រហ្មទណ្ឌ។
ពីបទ៖ប្រើប្រាស់ដោយខុសច្បាប់នូវសម្លៀកបំពាក់ជាអាទិ៍ សម្រាប់អាជ្ញាធរសាធារណៈ ។
និងពីបទ៖ប្រើប្រាស់ គ្មានសិទ្ធិនូវយានយន្ត ដែលមានសញ្ញាសម្គាល់ ដែលប្រើប្រាស់ដោយនគរបាលឬយោធា។
សូមរម្លឹកថា៖ លោក ហង្ស បណ្ឌិត និងសហការីម្នាក់បាន ចុះទៅយកព័ត៌មាន ពាក់ព័ន្ធនឹង ការនាំចេញសត្វជ្រូកខុសច្បាប់ទៅវៀតណាម។ កាលពីថ្ងៃទី១៧ខែកុម្ភះឆ្នាំ២០២០នៅភូមិសាលារៀន ឃុំបាសាក់ ស្រុកស្វាយជ្រុំ ខេត្តស្វាយរៀង។
ទោះជាយ៉ាងណា! លោក ហង្ស បណ្ឌិត នឹងសហការី មិនបានទាមទារលុយពីឈ្មួញឬមន្ត្រីឡើយ ។
ពោលគឺ! លោកបានធ្វើការផ្សព្វផ្សាយតាមវិជ្ជាជីវៈ មិនសមណា កងរាជអាវុធហត្ថខេត្តស្វាយរៀងសុំគោលការពីព្រះរាជអាជ្ញា ដើម្បីឃាត់ខ្លួនលោកបែបនេះឡើយ។
ការឃាត់ខ្លួននេះត្រូវក្រុមអ្នកសារព័ត៌មាន រិះគន់និងបានចាត់ទុកថា៖ ជាការបំបាក់ស្មារតីអ្នកសារព័ត៌មាន កុំអោយហ៊ានផ្សាយរិៈគន់រាល់បទល្មើសទូទាំងខេត្តស្វាយរៀង៕
