អ្នកកាសែតរហ័សនាម ខ្លា ស និងបក្ខពួកម្នាក់ទៀតត្រូវបាននគរបាលខណ្ឌសែនសុខឃាត់ខ្លួនសង្ស័យពាក់ពន្ធ័ករណីគ្រឿងញៀន
ភ្នំពេញ៖ កម្លាំងសមត្ថកិច្ចខណ្ឌសែនសុខចុះឃាត់ខ្លួនជនសង្ស័យ២នាក់សង្ស័យពាក់ពន្ធ័ករណីគ្រឿងញៀនក្នុងនោះមានម្នាក់ជាអ្នកកាសែតដែលមានរហ័សនាម ខ្លា ស
ហេតុការណ៍នេះបានបង្កឲ្យមានការភ្ញាក់ផ្អើលយ៉ាងខ្លាំងកាលពីវេលាម៉ោង១១និង១០នាទីយប់ ថ្ងៃទី២៩ខែមិនាឆ្នាំ២០២០ នៅត្រង់ចំណុចមុខមន្ទីរពេទ្យលោកសង្ឃ ក្នុងភូមិបឹងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ជនសង្ស័យដែលសមត្ថកិច្ចឃាត់ខ្លួនទី១/ មានរហ័សនាម ខ្លា ស ភេទប្រុស អាយុប្រហែល៤០ឆ្នាំ មុខរប ជាអ្នកសារព័ត៏មាន
ទី២ មិនត្រូវស្គាល់អត្តសញ្ញាណនោះទេ និងមានថ្នាំ១កញ្ចប់តូច ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញជនសង្ស័យ២នាក់ក្នុងនោះមានម្នាក់ជាអ្នកកាសែតបានមកទិញថ្នាំញៀនក្រោយពីទិញបានហើយ អ្នកកាសែតដែលរហ័សនាម ខ្លាស រូបនោះបានថតថ្នាំញៀន ខណៈពេលនោះត្រូវបានកម្លាំងសមត្ថកិច្ចឃាត់ខ្លួនបានទាំង២នាក់ភ្លាមៗតែម្ដង ។
បើតាមសម្ដីជនសង្ស័យម្នាក់ដែលអះអាងថាជាអ្នកកាសែត បានប្រាប់អ្នកសារព័ត៏មានថារូបគេពិតជាបានមកធ្វើជាទិញគ្រឿងញៀនពិតប្រាកដមែនដើម្បីមកថតយកព័ត៏មានតែប៉ុណ្ណោះមិនគួរណាសមត្ថកិច្ចឃាត់ខ្លួនគេសោះ។
ក្រោយពេលកើតហេតុសមត្ថកិច្ចបាននាំខ្លួនជនសង្ស័យទាំង២នាក់ ទៅធ្វើការសាកសួរនៅប៉ុស្តិ៍នគរបាល ទឹកថ្លានិងធ្វើកំណត់ហេតុដើម្បីកសាងសំណុំរឿង បញ្ជូនបន្តទៅអធិការដ្ឋានខណ្ឌសែនសុខចាត់ការបន្តតាមនិតិវិធី៕
