អាណិតណាស់! ក្មេងប្រុសម្នាក់ស្លាប់បាត់បង់ជីវិតយ៉ាងអាណោចអធម៌ និងមនុស្សក្មេងចាស់៩នាក់ទៀតរបួសធ្ងន់និងស្រាល ខណៈរថយន្តបែកកង់ក្រឡាប់ធ្លាក់ផ្លូវ
កំពង់ធំ៖ រថយន្តឡិចស៊ីសមួយគ្រឿងបើកបរតាមបណ្ដោយផ្លូវគ្រួសក្រហម បែកកង់ក្រឡាប់ធ្លាក់ផ្លូវ បណ្ដាលឲ្យក្មេងប្រុសអាយុ០៥ឆ្នាំម្នាក់បានស្លាប់គួរឲ្យរន្ធត់ និងមនុស្សចាស់ក្មេងចំនួន០៩នាក់ទៀតរងរបួសធ្ងន់និងស្រាល ៖ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៣និង៣០នាទីរសៀលថ្ងៃទី២៩ខែមិនាឆ្នាំ២០២០ ម្សិលមិញ នៅតាមបណ្តោយផ្លូវក្រាលគ្រួសក្រហមចំណុច សសរ៥០.ពីកំពង់ឆ្នាំងទៅកំពង់ធំ។
យោងតាមរបាយការណ៍របស់សម្ថកិច្ចបានឲ្យដឹងថា មុនពេលកើតហេតុ អ្នកបើកបររថយន្តឡិចស៊ីស រងគ្រោះបានចេញដំណើរពីខេត្តកំពង់ឆ្នាំមកខេត្តកំពង់ធំ.ខណៈមកដល់ចំណុចកើតហេតុ ចៃដន្យរថយន្តរងគ្រោះបានបែកកង់ ក្រឡាប់ធ្លាក់ផ្លូវ បណ្តាលឲ្យក្មេងប្រុសម្នាក់បាត់បង់ជីវិតភ្លាមៗនៅកន្លែងរីឯ៥នាក់ទៀតរបួសធ្ងន់និងស្រាល ។
សមត្ថកិច្ចបន្តថា ក្មេងប្រុសរងគ្រោះដែលស្លាប់មិនស្គាល់ឈ្មោះទេ..ចំណែកអ្នករបួសទី១/ អ្នកបើកបររថយន្តមានឈ្មោះ សានសុភាព ភេទប្រុស អាយុ៣១ឆ្នាំ មានប្រពន្ធឈ្មោះ មុំ ចាន់សន្យា របួសធ្ងន់និងកូនតូច២នាក់ទៀតទី២/ ឈ្មោះ ហេង គឹមហួន ភេទប្រុសអាយុ៤០ឆ្នាំត្រូវជាមិត្តភក្តិរបស់ អ្នកបើក រថយន្ត និងប្រពន្ធឈ្មោះ ឡេង មុជថានិងកូនតូច២(របួសស្រាល)ទី៣/. ឈ្មោះ សៅ ឃីម ភេទប្រុសអាយុ៣៣ឆ្នាំមានកូនតូចម្នាក់ស្លាប់នៅកន្លែងកើតហេតុ ទី៤/ ឈ្មោះ លន់ ចាប់ភេទប្រុស(របួសធ្ងន់) សពក្មេងប្រុសត្រូវបានសាច់ញាត្តិដឹកយកទៅធ្វើបុណ្យទៅតាមប្រពៃណី..ចំណែកអ្នករងរបួសធ្ងន់ស្រាលដឹកយកទៅសង្រ្គោះនៅមន្ទីពេទ្យខេត្តកំពង់ធំ៕ 
