សាហាវណាស់!! បើករថយន្តបុករះរថយន្តចតស្ងៀមនិងផ្ទះប្រជាពលរដ្ឋ ព្រមទាំងបង្គោលភ្លេីង រងការខូចខាតយ៉ាងដំណំ
ភ្នំពេញ៖ បុរសម្នាក់សង្ស័យស្រវឹងស្រា បានបើករថយន្តឡិចស៊ិចGS300មួយគ្រឿង បោះពួយយ៉ាងលឿនខ្វះការប្រុងប្រយត្ន័បានជ្រុលទៅបុករថយន្ត ដែលចតស្ងៀម រួចបន្តទៅបុកផ្ទះប្រជាពលរដ្ឋ និងបង្គោលភ្លេីងបំភ្លឺផ្លូវរងការខូចខាតទៅមុខលែងរួច
ហេតុការណ៍នេះបានបង្កការភ្ញាក់ផ្អេីលដល់ប្រជាពលរដ្ឋយ៉ាងខ្លាំងកាលពីវេលាម៉ោង៩ និង៣០នាទីយប់ ថ្ងៃទី៣០ ខែមីនា ឆ្នាំ២០២០ នៅចំណុចខាងជេីងវត្តនាគវ័ន្ត សង្កាត់បឹកកក់ទី២ ខណ្ឌទួលគោក រាជធានីភ្នំពេញ ។
យោងតាមសាក្សីនៅកន្លែងកេីតហេតុបានប្រាប់ ឱ្យដឹងថា មុនពេលកេីតហេតុគេបានឃេីញរថយន្តម៉ាកឡិចស៊ិសGS300 ពណ៍ស ពាក់ស្លាកលេខភ្នំពេញ2BF-4434 បេីកបរដោយបុរសម្នាក់ធ្វេីដំណេីរតាមបណ្តោយផ្លូវបេតុង ទិសដៅពីលិចទៅកេីតក្នុងល្បឿនយ៉ាងលឿន ខណៈមកដល់ចំណុចកេីតហេតុ ដោយស្ថានភាពផ្លូវរៀងកោងផងនោះ ក៏បួងចង្កូតមិនទាន់ក៏ជ្រុលទៅបុករថយន្តម៉ាកវីស្តូ ពណ៍ក្រហម ពាក់ស្លាកលេខភ្នំពេញ2AY- 0246 ដែលចតនៅខាងមុខផ្ទះបណ្តាលឱ្យរងការខូចខាតអស់មួយចំហៀងខាងឆ្វេង ហើយរថយន្តបង្កមិនទាន់អស់ល្បឿនបានជ្រុលទៅមុខបុករះផ្ទះប្រជាពលរដ្ឋនិងបង្គោលភ្លើងបន្ថែម ទើបទៅមុខលែងរួច ។
ក្រោយកេីតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ចុះមកធ្វេីការវាស់វែងយកទៅរក្សាទុករង់ចាំដោះស្រាយតាមផ្លូវច្បាប់នៅពេលក្រោយ ៕
