ផ្កាយបួនក្លែងក្លាយម្នាក់ត្រូវបានកម្លាំងអាវុធហត្ថខេត្តបាត់ដំបងចាប់ខ្លួន
បាត់ដំបង៖ កម្លាំងកងរាជអាវុធខេត្តបាត់ដំបង បង្ក្រាបករណីប្រើប្រាស់ដោយខុសច្បាប់នូវឯកសណ្ឋានជាអាទិ៍ ប្រើឯកសណ្ឋានយោធា សក្ដិនាយឧត្តមសេនីយ៍ ដោយចាប់ឃាត់ខ្លួនជនសង្ស័យម្នាក់៖ ប្រតិបត្តិការណ៍នេះបានធ្វើឡើងកាលពីវេលាម៉ោង០៥និង០០នាទីល្ងាចថ្ងៃទី០៨ខែមេសាឆ្នាំ២០២០ ។
ជនសង្ស័យដែលអាវុធហត្ថឃាត់ខ្លួនមានឈ្មោះ ណាំ កប ភេទប្រុសអាយុ៣៦ឆ្នាំ មុខរបរមិនពិតប្រាកដស្នាក់នៅភូមិល្វាទេ ឃុំត្រាង ស្រុកកំរៀង ខេត្តបាត់ដំបង។
សមត្ថកិច្ចក្រោយឃាត់ខ្លួនជនសង្ស័យកម្លាំងកងរាជអាវុធហត្ថបានដកហូតវត្ថុតាងរួមមាន៖សក្ដិស្មា ផ្កាយ៤ =១ គូរ, សក្ដិអាវប្រយុទ្ធ = ១ គូរ, ស្លាក ឈ្មោះ នាយឧត្តមសេនីយ៍=១, មេដាយ =១ កំប្លេ, ឯកសណ្ឋានប្រយុទ្ធ=១ កំប្លេ, សញ្ញាសំគាល់ នាយឧត្តមសេនីយ៍១ គូរ និងស្លាក ឈ្មោះ ហង់ សំណាង=១។
បច្ចុប្បន្ន ជនសង្ស័យរួមនិងវត្ថុតាងត្រូវបានកម្លាំងជំនាញធ្វើការសាកសួរនិងកសាងសំណុំរឿងដើម្បីបញ្ជួនទៅតុលាការចាត់ការបន្តតាមនិតិវិធី៕
