នគរបាលប៉ុស្តិ៍ចាក់អង្រែលើឃាត់ខ្លួនជនសង្ស័យម្នាក់ពាក់ពន្ធ័ករណីគ្រឿងញៀន
ភ្នំពេញ៖ ជនសង្ស័យម្នាក់ត្រូវបានកម្លាំងនគរបាលប៉ុស្តិ៍ចាក់អង្រែលើ ធ្វើការឃាត់ខ្លួននិងដកហូតថ្នាំញៀនមួយកញ្ចប់ធំល្មម ៖ ហេតុការណ៍នេះបានកើតឡើងកាលពីវេលាម៉ោង០១និង០០នាទីរសៀលថ្ងៃទី០៩ខែមេសាឆ្នាំ២០២០ នៅចំណុចផ្លូវ៣៧១ ភូមិ ព្រែកតាគង់១ សង្កាត់ចាក់អង្រែលេី ខណ្ឌមានជ័យ រាជធានីភ្នំពេញ ។
លោក នាយ ប៉ុស្តិ៍នគរបាល ចាក់អង្រែលើបានអោយដឹងថា ជនសង្ស័យមានឈ្មោះ មាស ច័ន្ទបញ្ញា ភេទ ប្រុសអាយុ២៦ឆ្នាំ ជនជាតិខ្មែរមុខរបរមិនពិតប្រាកដ ស្នាក់នៅ ភូមិដេីមស្លែងសង្កាត់ច្បារអំពៅ២ ខណ្ឌច្បារអំពៅ ។
លោកនាយប៉ុស្តិ៍បានបន្តថា មុនឈានដល់ការឃាត់ខ្លួនជនសង្ស័យ គឺកម្លាំងនគរបាលប៉ុស្តិ៍ចាក់អង្រែលើ បានចុះល្បាតក្នុងមូលដ្ឋាន ខណៈមកដល់ចំណុចកើតហេតុខាងលើ ក៏បានប្រទះឃេីញជនសង្ស័យកំពុងជិះម៉ូតូមួយគ្រឿងដោយមានការសង្ស័យកម្លាំងនគរបាល បានឃាត់សួរនាំឆែកឆេ រកឃើញថ្នាំញៀនមួយកញ្ចប់ជាប់នៅនិងខ្លួនក៏ឃាត់យកមកធ្វើការសាកសួរនៅប៉ុស្តិ៍នគរបាលចាក់អង្រែលើតែម្ដង ។
បច្ចុបន្បន្នជនសង្ស័យរួមទាំងវត្ថុតាងត្រូវបាននគរបាលប៉ុស្តិ៍ចាក់អង្រែលើធ្វើកំណត់ហេតុបញ្ជួនទៅកាន់អធិការដ្ឋាននគរបាលខណ្ឌមានជ័យដើម្បីកសាងសំណុំរឿងចាត់ការបន្តតាមនិតិវិធីច្បាប់៕
