ក្រុមផឹកសុីផ្ទុះអាវុធជាច្រើនគ្រាប់នៅក្បែប៉ុស្តិ៍នគរបាលទឹកល្អក់២ បង្កការភ័យខ្លាចរួចគេចខ្លួនបាត់ សមត្ថកិច្ចបានត្រឹមតែចុះទៅប្រមូលសំបកគ្រាប់
ភ្នំពេញ ៖ ជនសង្ស័យមួយក្រុមចេញពីហាងផឹកសុីក្បែរប៉ុស្តិ៍នគរបាលទឹកល្អក់ទី២បានធ្វើសកម្មភាពបាញ់រះជាច្រេីនគ្រាប់ បង្កការភ្ញាក់ផ្អើលរួចគេចខ្លួន បាត់ស្រមោល
ហេតុការណ៍គួរអោយភ័យខ្លាចនេះបានកើតឡើងកាលពីវេលាម៉ោង១១យប់ថ្ងៃទី១១ ខែមេសា ឆ្នាំ២០២០ នៅចំណុចហាងផឹកសុីមួយកន្លែងយីហោ (DAV សាច់អាំងទឹកកាពិ)តាមបណ្ដោយផ្លូវលេខ១៥៦ ក្បែស្នាក់ការប៉ុស្តិ៍នគរបាលរដ្ឋបាលទឹកល្អក់ទី២ ស្ថិតក្នុងសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
យោងតាមប្រភពព័ត៌មានពីកន្លែងកេីតហេតុបានឲ្យដឹងថា នៅមុនពេលកេីតហេតុគេបានឃេីញជនសង្ស័យមួយក្រុមបានអង្គុយផឹកសុីក្នុងហាងមួយកន្លែងនៅក្បែរប៉ុស្តិ៍នគរបាលទឹកល្អក់ទី២ ដោយ មិនដឹងថាមានរឿងអ្វីទេ មួយសន្ទុះក្រោយមក ស្រាប់តែជនសង្ស័យបានចេញពីក្នុងហាងមកខាងក្រៅស្រាប់តែដកកាំភ្លេីង(មិនស្គាល់ម៉ាក)ធ្វេីសកម្មភាព បាញ់រះជាច្រេីនគ្រាប់ បង្កឲ្យប្រជាពលរដ្ឋភ្ញាក់ផ្អើលនិងភ័យខ្លាចយ៉ាងខ្លាំង ។
ប្រភពបានបន្តថា បន្ទាប់ពីធ្វើសកម្មភាពបាញ់រួចក្រុមជនសង្ស័យក៏បាននាំគ្នាគេចខ្លួនបានស្រមោលដោយមិនរំខានដល់សមត្ថកិច្ចមូលដ្ឋានឡើយ ។
ក្រោយពេលកេីតហេតុសមត្ថកិច្ច បានត្រឹមតែចុះទៅធ្វើការសួរនាំរឿងហេតុពីម្ចាស់ហាង និងប្រមូលយកសំបកគ្រាប់ទុកជាវត្ថុតាងតែប៉ុណ្ណោះ ៕
