រន្ធត់ណាស់!!បុរសចំណាស់ម្នាក់ដេកស្លាប់ក្នុងថ្លុកឈាមមិនដឹងមូលហេតុច្បាស់

ភ្នំពេញ៖ សពបុរសវ័យជាង៦០ឆ្នាំម្នាក់ត្រូវគេប្រទះ ឃើញដេកស្លាប់នៅក្នុងថ្លុកឈាម ក្បែម៉ូតូក្រោមដំណក់ទឹកភ្លៀង គួរឲ្យរន្ធត់និងសែនសង្វេកយ៉ាងខ្លាំង
ហេតុការណ៍គួរឲ្យសង្វេកនេះបានកើតឡើងកាលពី វេលាម៉ោងជាង៤រសៀលថ្ងៃទី០២ខែសីហាឆ្នាំ២០១៨ នៅតាមបណ្ដោយផ្លូវលីយ៉ុងផាត់ ក្បែអតីតកន្លែងបង់ ប្រាក់ចាស់ ស្ថិតក្នុងភូមិ បាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។

សពជនរងគ្រោះមានឈ្មោះ សាំង សាធ ភេទប្រុស អាយុ៦៩ឆ្នាំ ស្នាក់នៅផ្ទះលេខ១៥១ ភូមិបឹង សង្កាត់ ពញ្ញាពន់ ខណ្ឌព្រែកព្នៅ រាជធានីភ្នំពេញ ជិះម៉ូតូម៉ាក ហុងដាឌ្រីមសេ១២៥ សេរីឆ្នាំ២០១៦ ពណ៌ខ្មៅ ពាក់ ស្លាកលេខភ្នំពេញ1DL-0039។

បើតាមប្រភពនៅកន្លែងកើតហេតុបានឲ្យដឹងថា មុន ពេលកើតហេតុជនរងគ្រោះជិះបើកម៉ូតូតាមបណ្ដោយ ផ្លូវ លីយ៉ុងផាត់ ក្នុងទិសដៅពីកើតទៅលិច ស្របពេលដែលមេឃកំពុងធ្លាក់ភ្លៀងយ៉ាងខ្លាំង លុះភ្លៀងរាំងត្រូវបានគេប្រទះឃើញបុរសរងគ្រោះដេកស្លាប់នៅក្នុងថ្លុកឈាម នៅក្បែរម៉ូតូរបស់ខ្លួន មិនដឹងថាដួលដោយ ខ្លួនឯង ឬបុកគូថរថយន្ដ ឬក៍ត្រូវរថយន្ដគេនោះទេ។ព្រោះនៅទីតាំងកើតហេតុគ្មាននណាម្នាក់បានឃើញហេតុការណ៍ច្បាស់នោះឡើយ ដោយសារម្នាក់ៗដាក់ការសង្ស័យផ្សេងៗពីគ្នា ។

ក្រោយពេលកើតហេតុសពជនរងគ្រោះនិងម៉ូតូត្រូវបានសមត្ថកិច្ច ធ្វើកំណត់ហេតុប្រគល់ឱ្យក្រុមគ្រួសារ យកទៅធ្វើបុណ្យតាមប្រពៃណី ៕