មហាជនរងចាំមេីលលោក អូត សុីវុត្ថា ស្នងការខេត្តស្ទឹងត្រែង មានចំណាត់ការយ៉ាងណាចំពោះម្ចាស់ទីតាំង សង្វៀនជល់មាន់និងអាប៉ោង ភូមិរាជានុកូល សង្កាត់ស្ទឹងត្រែង
ស្ទឹងត្រែង៖ យោងតាមសេចក្ដីរាយការបានឲ្យដឹងថា ទីតាំងល្បែងសុីសង (ជល់មាន់និងអាប៉ោង ) ដុះស្លែដ៏ធំមួយកន្លែងក្នុងចំការស្វាយចន្ទី កំពុងនាំគ្នាប្រមូលផ្ដុំលេងជារាល់ថ្ងៃយ៉ាងគគ្រឹកគគ្រេងបង្កភាពអណាធិបតេយ្យ មិនខ្លាចការឆ្លងរាតត្បាត នៃជំងឺកូវីដ–១៩ ផ្គើននិងបទបញ្ជារបស់ ប្រមុខ រាជរដ្ឋាភិបាល ។ សេចក្ដីរាយការណ៍បានបញ្ជាក់ថា ទីតាំងជល់មាន់និងអាប៉ោងមួយនេះនៅចំណុចគីឡូបួន ស្ថិតក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែងខេត្តស្ទឹងត្រែង ។
ប្រជាពលរដ្ឋបានសូមណូមពរដល់ លោក អូត សុីវុត្ថា ស្នងការនគរបាល ខេត្តស្ទឹងត្រែងមេត្តា មានវិធាការទបស្កាត់និងបង្ក្រាបទីតាំងល្បែងសុីសងខុសច្បាប់មួយនេះផងដើម្បីរក្សា សុខសុវត្ថិភាព ជួនប្រជាពលរដ្ឋ អោយស្របតាម គោលនយោបាយ ភូមិ ឃុំ មាន សុវត្ថិភាព ៩ ចំណុច របស់ក្រសួងមហាផ្ទៃ ។
សូមបញ្ជាក់ថា កន្លងទៅថ្មីៗនេះ ប្រមុខរាជរដ្ឋាភិបាល បានចេញបទបញ្ជាហាមឃាត់មិនអោយប្រជាពលរដ្ឋ មានការជួបជុំគ្នាជាទ្រុងទ្រាយធំនោះទេ! មូលហេតុដើម្បីការពារការឆ្លងរាតត្បាតនៃជំងឺរលាកផ្លូវដង្ហើមថ្មីកូវីដ–១៩ តែផ្ទុយទៅវិញបែជាក្រុមអ្នកញៀនល្បែងទាំងនោះមកប្រមូលផ្ដុំលេងយ៉ាងអណាធិតេយ្យ បង្កភាពភ័យខ្លាចដល់បងប្អូនប្រជាពលរដ្ឋ នៅក្នុងមូលដ្ឋានផ្គើន និងបទបញ្ជារបស់ រាជរដ្ឋាភិបាល ៕
