នគរបាលឃាត់ខ្លួនជនសង្ស័យប្រុសស្រី៤នាក់ពាក់ពន្ធ័ករណីគ្រឿងញៀន
ព្រះវិហា៖ កម្លាំងនគរបាល ស្រុករវៀង ចុះបង្ក្រាប មុខសញ្ញាចែកចាយ និងប្រើប្រាស់គ្រឿងញៀន ឃាត់ខ្លួនជនសង្ស័យប្រុសស្រីចំនួន៤នាក់ដកហូតថ្នាំញៀនមួយចំនួន ៖
ប្រតិបត្តការណ៍បង្ក្រាបនេះធ្វើឡើងនៅថ្ងៃទី១២ខែឧសភាឆ្នាំ២០២០ នៅចំណុច ផ្ទះសំណាក់ យីហោ(ភ្នំមាស)ស្ថិតនៅភូមិភ្នំដែក ឃុំរមណី ស្រុករវៀង ខេត្តព្រះវិហា ។
សមត្ថកិច្ចបានឲ្យដឹងថា ដោយអនុវត្តតាមការណែនាំ របស់ លោកស្នងការនគរបាលខេត្តព្រះវិហា កម្លាំងនគរបាល នៃអធិការដ្ឋាននគរបាល ស្រុកវៀង បានតាមដានស្រាវជ្រាវ បង្ក្រាប និងឃាត់ខ្លួនយុវជនប្រុសស្រី ចំនួន ០៤នាក់ដែលកំពុងពួនសំងំប្រេីប្រាស់ ចែកចាយគ្រឿងញៀន ខុសច្បាប់ នៅក្នុងផ្ទះសំណាក់ យីហោ (ភ្នំមាស) ដោយដកហូតបានថ្នាំញៀនចំនួន១៤កញ្ចប់ និងជញ្ជីងថ្លឹងថ្នាំញៀន១គ្រឿង។
បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ច កំពុងធ្វើការសាកសួរ ដើម្បីកសាងសំណុំរឿងបញ្ជួនទៅតុលាការចាត់ការបន្តតាមនិតិវិធីច្បាប់៕
