សមត្ថកិច្ច ខណ្ឌពោធិ៍សែនជ័យ ឃាត់ខ្លួនជនសង្ស័យ២នាក់ បន្ទាប់ពីឆែករកឃើញថ្នាំញឿននិងប្រដាប់កាច់សោរក៍ម៉ូតូ
ភ្នំពេញ÷ ជនសង្ស័យចំនួន២នាក់ត្រូវបានកម្លាំងសមត្ថកិច្ច អធិការដ្ឋានខណ្ឌពោធិ៍សែនជ័យ ឃាត់ខ្លួននៅចំណុចគោលដៅចុះអនុវត្តរឹតបន្តឹងច្បាប់ចរាចរណ៍ផ្លូវគោក
ហេតុការណ៍នេះបានកើតឡើងកាលពីវេលាម៉ោង៤និង៥នាទីរសៀលថ្ងៃទី១៥ ខែឧសភា ឆ្នាំ២០២០ នៅតាមបណ្ដោយផ្លូវ វេងស្រេងក្បែក្រុមហ៊ុន ដំឡើង ម៉ូតូហុងដា ស្ថិតនៅក្នុងសង្កាត់ចោមចៅទី១ ខណ្ឌពោធិសែនជ័យ ។
សមត្ថកិច្ចបានប្រាប់អោយដឹងថា មុនពេលកើតហេតុ គឺកម្លាំងនគរបាលចម្រុះខណ្ឌបានដាក់គោលដៅត្រួតពិនិត្យរឹតបន្តឹងច្បាប់ចរាចរណ៍ថ្មីនៅតាមបណ្ដោយផ្លូវ វេងស្រេងត្រូវចំណុចកើតហេតុខាងលើ ខណៈកំពុងតែត្រួតពិនិត្យក៏ស្រាប់តែជនសង្ស័យ២នាក់ជិះម៉ូតូមួយគ្រឿងគ្មានស្លាកលេខទឹសដៅពីលិចទៅកើត ហើយសមត្ថកិច្ច បានឃាត់សួរនាំតែជនសង្ស័យបែជាបំរ៉ុងរត់គេច រួចបោះកញ្ចប់បារីចោល ដោយមានការសង្ស័យសមត្ថកិច្ចបានរើសឆែកមើលឃើញថ្នាំញៀនមួយកញ្ចប់ និងដែកសំរាប់កាច់សោរក៏ម៉ូតូ ភ្លាមៗសមត្ថកិច្ចក៏ឃាត់ខ្លួនយកទៅសួរនាំនៅស្នាក់ការប៉ុស្តិនគរបាលចោមចៅ១តែម្ដង ។
បច្ចុប្បន្ន ជនសង្ស័យទាំង២នាក់រួមនិងវត្ថុតាងត្រូវបានសមត្ថកិច្ចធ្វើកំណត់ហេតុបញ្ជួនទៅឃុំខ្លួនបណ្ដោះអាសន្ន នៅអធិការដ្ឋាននគរបាល ខណ្ឌពោធិសែនជ័យ ដើម្បីសាកសួរនិងកសាងសំណុំរឿងចាត់ការបន្តតាមនិតិវិធីច្បាប់ ៕
