ទុករថយន្តព្រុសមុខផ្ទះរៀបចំទៅញាំការ ស្រាប់តែចោលួចយកទៅបាត់
កណ្តាល ៖ ស្ត្រីម្នាក់ខំទៅធ្វើខ្លួនរៀបចំទៅញាំការគេទុករថយន្តម៉ាកព្រួសពណ៌សមួយគ្រឿងនៅមុខផ្ទះចូលប្ដូខោអាវត្រូវចោរលួចទៅបាត់ ៖ ហេតុការណ៍នេះបានកើតឡើង កាលពីវេលាម៉ោង០៨និង១៥នាទីយប់ថ្ងៃទី១៧ខែឧសភាឆ្នាំ២០២០ នៅចំណុចភូមិស្ទឹងឃុំសំរោងធំស្រុកកៀនស្វាយខេត្តកណ្តាល។
ជនរងគ្រោះមានឈ្មោះ ដាង សុវណ្ណារី ភេទស្រីអាយុ៣៤ឆ្នាំ ជនជាតិខ្មែរមានទីលំនៅភូមិស្ទឹងឃុំសំរោងធំ ស្រុកកៀនស្វាយខេត្តកណ្តាល។
បើតាមស្ត្រីរងគ្រោះបានឲ្យដឹងថា មុនកើតរូបគាត់បានទៅធ្វើមុខធ្វើសក់ដើម្បីទៅញាំការគេនៅក្នុងភូមិ លុះធ្វើរួចរាល់រូបគាត់បានបើករថយន្តមកចតទុកមុខផ្ទះជាប់និងផ្លូវជាតិលេខ១ ដើម្បីដូរខោអាវ ប្រហែល១៥នាទី ចេញមកវិញស្រាប់តែបាត់រថយន្ត ។
ជនរងគ្រោះបានអោយដឹងទៀតថា បន្ទាប់ពីបាត់ភ្លាមៗរូបគាត់បានតេទូរសព្ទ័ទៅប្តឹងសម្ថកិច្ចប៉ុស្តិ៍សំរោងធំ ក្រោយពីបានទទួលបានបណ្តឹងភ្លាមកម្លាំងប៉ុស្តិ៍បានសហការណ៍ជាមួយកម្លាំងជំនាញស្រុកចេញតាមស្វែងរកជនសង្សយ័ដែរតែជនសង្ស័យគេចខ្លួនបាត់។
ស្ត្រីរងគ្រោះបន្តថា សម្ភារះបាត់បង់រួមមាន ៖ ១-រថយន្ត០១គ្រឿងម៉ាកព្រូសពណ៌សកាំម៉ៃ ពាក់ស្លាកលេខ ភ្នំពេញ BG-8423 សេរីឆ្នាំ២០១១។
២- លុយខ្មែរចំនួន៥០០០០០០៛(ប្រាំលានរៀល )។
៣- អត្តសញ្ញាណប័ណ្ណសញ្ជាតិខ្មែរ១សន្លឹក។
៤- សៀវភៅធនាគាចំនួន០២ក្បាល ។
៥- ទូរស័ព្ទដៃចំនួន១គ្រឿងម៉ាកOPPOពណ៌
ខៀវដែលមានលេខ ។
៦- កាតគ្រីឡានព្រូសចំនួន០១សន្លឹក ៕
