ឆ្លងចរន្តអគ្គីសនីផ្ទុះសេខ្សែភ្លើងឆេះផ្ទះប្រជាពលរដ្ឋនៅអរិយក្សត្រផ្អើលទាំងព្រឹក
កណ្តាល៖ អគ្គីភ័យឆាបឆេះផ្ទះប្រជាពលរដ្ឋមួយល្វែងធ្វើអំពីឈើលើ ថ្មក្រោម យ៉ាងសន្ធោសន្ធៅខូចខាតទាំងស្រុងនិងរាលដាលឆេះផ្ទះជាប់គ្នា២បន្ថែមទៀតប៉ុន្តែកម្លាំងអន្តរាគមន៍ពន្លត់ទាន់ ពេលវេលាគ្រាន់តែឆេះរោលជញ្ជាំងបន្តិចបន្តួច បង្កការភ្ញាក់ផ្អើលកាលពីវេលាម៉ោង០៨និង៣០នាទីព្រឹកថ្ងៃទី២១ខែឧសភាឆ្នាំ២០២០ នៅភូមិអរិយក្សត្រឃុំអរិយក្សត្រស្រុកល្វាឯម ខេត្តកណ្ដាល ។
សមត្ថកិច្ចបានអោយដឹងថា ជនរងគ្រោះ ជាម្ចាស់ផ្ទះមានឈ្មោះ សុឹម សន ភេទប្រុស អាយុ៥៦ឆ្នាំ ជនជាតិ ខ្មែរ និងប្រពន្ធឈ្មោះ រី សារឹម អាយុ ៥៥ឆ្នាំមានទីលំនៅ ភូមិ អរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល មុខរបរកសិករ។
ផ្ទះដែលឆេះមានទទឹង ៧ម៉ែត្រ បណ្តោយ១៨ម៉ែត្រ ប្រក់ក្បឿង ជព្ជាំាងក្តាក្រោមថ្ម កំពស់៧,៣០ម៉ែត្របណ្តាលខូចជាន់លើឈើទាំងស្រុង ហើយជាន់ក្រោមថ្មឆេះខូតខាតអស់។ និងឆេះប្រាក់ដុល្លា ៥០០០$ប្រាក់រៀល៨,០០០,០០០៛, មាស ៥ដំឡឹង ,ម៉ូតូម៉ាក់សង់ ០២គ្រឿង និងឯកសារផ្ទាល់ខ្លួន ជាច្រើន រួមសម្ភារៈមួយចំនួនទៀតនៅក្នុងផ្ទះ។
សមត្ថកិច្ចបានសន្និដ្ឋានថា មូលហេតុដែលនាំឲ្យកើតមានអគ្គីភ័យនេះបណ្ដាលមកពីឆ្លងចរន្ត័អគ្គីសនី គឺផ្ទុះសេខ្សែភ្លើងនៅខាងលើផ្ទះ ទើបឆេះដូច្នេះ ។ ហើយអគ្គីភ័យនេះត្រូវកម្លាំងជំនាញជួយអន្តរាគមន៍ពន្លត់អោយរលត់ទៅវិញទាំងស្រុងនៅវេលាម៉ោង៩និង៤៥នាទីព្រឹកថ្ងៃដដែលដោយប្រើប្រាស់ រថយន្តពន្លត់អគ្គីភ័យចំនួន០២ គ្រឿង អស់ទឹក០៨ឡាន ៕
