យុវជនម្នាក់ថា !! ចោរប្លន់យកម៉តូបាត់ ខំរត់ទៅប្តឹងនគរបាលប៉ុស្តិ៍ចតុមុខ បែរជា នគរបាលនិយាយថា ( បើមិនប្រញាប់ចាំស្អែកចាំមកប្តឹង )
ភ្នំពេញ ៖ ជនរងគ្រោះហួសចិត្ត និងនគរបាលប៉ុស្តិចតុមុខ ខណៈចោរប្លន់យកម៉ូតូបាត់ ខំរត់ទៅដាក់ពាក្យបណ្ដឹង បែជាប្រាប់ថា បើមិនប្រញាប់ចាំស្អែកចាំមកប្ដឹង
ហេតុការណ៍នេះបានកើតឡើងកាលពីវេលាម៉ោង០២រំលងអាធ្រាត្រឈានចូលថ្ងៃទី២២ ខែឧសភា ឆ្នាំ២០២០ នៅចំណុច ម្តុំសួនមុខវត្តបទុម ស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ ។
បើតាមសម្ដីយុវជនរងគ្រោះបានអោយដឹងថា មុនកើតហេតុរូបគេនិងនឹងមិត្តភក្តី ៧ទៅ ៨នាក់បាននាំគ្នា ជិះម៉ូតូលេងនៅម្តុំសួនមុខវត្តបទុម ខណ:ពេលមកដល់កន្លែងកេីតហេតុ ក៏មានជនសង្ស័យ២នាក់ ជិះម៉ូតូ១គ្រឿង មិនចាំម៉ាកមិនចាំស្លាកលេខ មកសួរនាំពួកគេ ភ្លាមនោះរូបគេនិងបក្ខពួកបំរុងនឹងជិះម៉ូតូចេញទៅហេីយ តែត្រូវជនសង្ស័យទាញដៃចង្កូតម៉ូតូបណ្ដាលអោយដួល ហេីយមិត្តភក្តី ក៏នាំគ្នារត់ចែកជេីងគ្នាអស់ទៀត ធ្វេីអោយរូបគេភ័យស្លន់ស្លោក៏រត់គេចខ្លួនដែរ ធ្វើអោយក្រុមជនសង្ស័យមានឱកាសលើកយកម៉ូតូ របស់គេជិះគេចខ្លួនទៅបាត់ស្រមោលដោយសុវត្ថិភាពតែម្តង ។
យុវជនរងគ្រោះបានអោយដឹងទៀតថា ម៉ូតូរបស់ខ្លួនដែលក្រុមជនសង្ស័យប្លន់យកទៅនោះ ម៉ាក និច ពណ៍ទឹកប្រាក់ពាក់ផ្លាកលេខព្រៃវែង1O-3989 ។
ក្រោយពេលកើតហេតុភ្លាមៗ ជនរងគ្រោះក៏បានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចតុមុខ ដេីម្បីអោយសមត្ថកិច្ចជួយអន្តរាគមន៍ ខណ:ពេលទៅដល់ បែរជាសមត្ថកិច្ចប៉ុស្តិ៍និយាយថា ( បេីមិនប្រញ្ញាប់ទេចាំស្អែកម៉ោង៨ព្រឹក ចាំមកប្តឹងក៏បាន ) ។
ជុំវិញការលើកឡើងនិងចោទប្រកាន់របស់ជនរងគ្រោះទៅលើ នគរបាលប៉ុស្តិចតុមុខ ថា មិនទទួលពាក្យបណ្ដឹង ពាក់ពន្ធ័និងករណីប្លន់យកម៉ូតូខាងលើនេះ អង្គភាពសារព័ត៌មាន(កោះប៉ែន)នៅមិនទាន់សុំការបំភ្លឺពីលោកមេប៉ុស្តិនគរបាល ចតុមុខបាននៅឡើយទេ ៕
