នគរបាលប្រឆាំងគ្រឿងញៀនឃាត់ខ្លួនជនសង្ស័យ០៧នាក់ដកហូតគ្រឿងញៀនបានមួយចំនួន
ព្រះសីហនុ៖ កម្លាំងជំនាញ ការិយាល័យនគរបាលប្រឆាំងគ្រឿងញៀន បានចុះបង្រ្កាបគ្រឿងញៀន៣ករណីផ្សេងគ្នា ៖ ករណីទី០១-កាលពីវេលាម៉ោង០០និង៣០នាទី ថ្ងៃទី៣១ខែឩសភាឆ្នាំ២០២០ នៅចំណុចអូរ៥ ក្រុម៥ ភូមិ៤ សង្កាត់៤ ក្រុង/ខេត្តព្រះសីហនុ ដោយឃាត់ខ្លួន ជនសង្ស័យបានចំនួន០៣នាក់រួមជាមួយវត្ថុតាងមួយចំនួន។
ជនសង្ស័យដែលសមត្ថកិច្ចឃាត់ខ្លួនរួមមាន៖ទី១.ឈ្មោះ ផេង វណ្ណឌី (វិត)ភេទប្រុសអាយុ២៤ឆ្នាំ ជនជាតិខ្មែរ មុខរបរ កម្មករសំណង់ ស្រុកកំណើត ភូមិស្នំប្រាំពីរ ឃុំម៉ាក់ប្រាំង ស្រុកទឹកឈូ ខេត្តកំពត ទីលំនៅបច្ចុប្បន្ន ភូមិ៤ សង្កាត់៤ ក្រុង/ខេត្តព្រះសីហនុ ។
២.ឈ្មោះ សរ ឌី (ធី) ភេទប្រុស អាយុ២២ឆ្នាំ ជនជាតិខ្មែរ មុខរបរ កម្មករសំណង់ ស្រុកកំណើត ភូមិវត្តទៀមកន្ថោ ឃុំបួន ស្រុកកំពង់ត្រាច ខេត្តកំពត ទីលំនៅបច្ចុប្បន្ន ផ្លូវចំណោតអាឡាំងដឺឡុង សង្កាត់៤ ក្រុង/ខេត្តព្រះសីហនុ ។
៣.ឈ្មោះ ខាន់ វីណា (ឆក) ភេទប្រុស អាយុ១៩ឆ្នាំ ជនជាតិខ្មែរ មុខរបរ កម្មករសំណង់ ស្រុកកំណើត ស្រុកស្ទឹងត្រង់ ខេត្តកំពង់ចាមទីលំនៅបច្ចុប្បន្ន សង្កាត់៤ ក្រុង/ខេត្តព្រះសីហនុ។
ចំណែកវត្ថុតាងនិងសម្ភារៈចាប់យករួមមាន៖
-ម្សៅក្រាមសថ្លា សង្ស័យជាសារធាតុញៀន ចំនួន០៦កញ្ចប់ ទូរស័ព្ទដៃ ចំនួន០២គ្រឿង ។
ករណីទី២-ថ្ងៃអាទិត្យទី៣១ខែឧសភា ឆ្នាំ ២០២០ វេលាម៉ោង០១ និង៣០នាទី កម្លាំងជំនាញ ការិយាល័យនគរបាលប្រឆាំងគ្រឿងញៀន បង្រ្កាបករណីគ្រឿងញៀនមួយកន្លែង នៅចំណុចផ្លូវចូលរោងចក្រ យ៉ូវស៊ីង ក្រុម១៧ ភូមិ២ សង្កាត់១ ក្រុង/ខេត្តព្រះសីហនុ នៅពេលដែលមុខសញ្ញាប្រព្រឹត្តបទល្មើសជាក់ស្តែងត្រូវបានសមត្ថកិច្ចឃាត់ខ្លួនជនសង្ស័យបានចំនួន ០៣នាក់រួមមាន៖
ទី១-ឈ្មោះ សយ សុឃឿន (ហ៊ុយ)ជាមេ ភេទប្រុស អាយុ២៨ឆ្នាំ ជនជាតិខ្មែរ មុខរបរ លក់ដូរ ស្រុកកំណើត ភូមិ៤ សង្កាត់៤ ក្រុង/ខេត្តព្រះសីហនុ ទីលំនៅបច្ចុប្បន្ន សង្កាត់២ ក្រុង/ខេត្តព្រះសីហនុ ។
២.ឈ្មោះ ពេញ បូរ៉ា ភេទប្រុស អាយុ២៩ឆ្នាំ ជនជាតិខ្មែរ មុខរបរ ធ្វេីការងាក្រុមហ៊ុនក្រឡុកស៊ីម៉ង់ ស្រុកកំណើត ឃុំកំបូល ស្រុកអង្គឈ្នួល ខេត្តកណ្តាល ទីលំនៅបច្ចុប្បន្ន៖ ភូមិពូធឿង ស្រុកព្រៃនប់ ខេត្តព្រះសីហនុ ។
៣.ឈ្មោះ សឿន ធារ៉ា ភេទប្រុស អាយុ២៣ឆ្នាំ ជនជាតិខ្មែរ មុខរបរ មិនពិតប្រាកដ ស្រុកកំណើត ភូមិស្តុកធ្លក ឃុំដងទុង ស្រុកដងទុង ខេត្តកំពត ទីលំនៅបច្ចុប្បន្ន សង្កាត់៣ ក្រុង/ខេត្តព្រះសីហនុ ។
+វត្ថុតាងនិងសម្ភារៈចាប់យករួមមាន៖
-ម្សៅក្រាមសថ្លា សង្ស័យជាសារធាតុញៀន ចំនួន១៥កញ្ចប់ (ធំ០១កញ្ចប់ មធ្យម០៨កញ្ចប់ តូច០៦កញ្ចប់) ទូរស័ព្ទដៃ ចំនួន០៣ គ្រឿង កាំភ្លេីងខ្លី ម៉ាក K-54 ចំនួន០១ដេីម គ្រាប់កាំភ្លេីង ចំនួន០៧គ្រាប់ ដែកកេះ០៣ កន្រ្តៃយ៍ ចំនួន០១ សម្ភារៈសម្រាប់វិចខ្ចប់និងប្រេីប្រាស់គ្រឿងញៀនមួយចំនួនទៀត ។
ករណីទី៣-ថ្ងៃអាទិត្យ ទី៣១ ខែឧសភាឆ្នាំ២០២០វេលាម៉ោង០២និង៣០នាទី កម្លាំងជំនាញ ការិយាល័យនគរបាលប្រឆាំងគ្រឿងញៀន បានបង្រ្កាបករណីគ្រឿងញៀនមួយកន្លែង នៅចំណុចក្រោយសាលារៀនឃ្លាំងលេី ភូមិ២ សង្កាត់១ ក្រុង/ខេត្តព្រះសីហនុ នៅពេលដែលមុខសញ្ញាប្រព្រឹត្តបទល្មើសជាក់ស្តែងត្រូវបានសមត្ថកិច្ច ឃាត់ខ្លួនជនសង្ស័យ ម្នាក់ ឈ្មោះ ហេង ម៉ុង ភេទប្រុស អាយុ៣៧ឆ្នាំ ជនជាតិខ្មែរ មុខរបររត់កង់បីឥណ្ឌា ស្រុកកំណើត ភូមិបិល ឃុំស្គួស ស្រុកសំរោងទង ខេត្តកំពង់ស្ពឺ ទីលំនៅបច្ចុប្បន្ន មិនពិតប្រាកដ ។
+វត្ថុតាងនិងសម្ភារៈចាប់យករួមមាន៖
-ម្សៅក្រាមសថ្លា សង្ស័យជាសារធាតុញៀន ចំនួន០១កញ្ចប់ ទូរស័ព្ទដៃ ចំនួន០១គ្រឿង ៕
បច្ចុប្បន្ន ជនសង្ស័យទាំងអស់រួមនិងវត្ថុតាង ត្រូវបាន នគរបាលការិយាល័យប្រឆាំងគ្រឿងញៀន កសាងសំណុំរឿងដើម្បីចាត់ការបន្តតាមនិតិវិធី ៕
