ចិនស្រវឹងខ្លាំងបើករថយន្តទៅបុករះបណ្ដាលឲ្យក្មេងម្នាក់រងរបួសខណ្ឌពោធិ៏សែនជ័យ
ភ្នំពេញ ៖ បុរសជនជាតិចិនម្នាក់ស្រវឹងខ្លាំងបើករថយន្តលឿនមិនប្រយត្ន័ជ្រុលទៅបុករថយន្ត វីហ្គោរ ជួសជុលបណ្ដាលឲ្យរអិលទៅបុកម៉ូតូបណ្ដាលអោយក្មេងតូចម្នាក់រងរបួសរលាត់ ដៃរលាត់ជើងឯរថយន្តរងការខូចខាតយ៉ាងដំណំ ៖ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៨និង ៣០នាទីយប់ថ្ថ្ងៃទី០២ខែមិថុនាឆ្នាំ២០២០ នៅចំណុចមុខសាលារៀនអន្តរជាតិ ហ្វាម៉ាលី ឃីត តាមបណ្ដោយផ្លូវបេតុងច្រកចូលវត្តអង្គតាមិញ ភូមិគោក ចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
យោងតាមប្រភពពីកន្លែងកើតហេតុបានឲ្យដឹងថា ដំបូងគេឃើញរថយន្តព្រូស ពណ៌ទឹកប្រាក់ ពាក់ស្លាកលេខភ្នំពេញ2AT-7135បើកបរដោយជនជាតិចិនម្នាក់ស្រវឹងជោកជាំ ធ្វើដំណើរតាមបណ្ដោយផ្លូវបេតុងច្រកចូលវត្តអង្គតាម៉ិញទិសដៅពីជើងទៅត្បូងក្នុងល្បឿនយ៉ាងលឿន ខ្វះការប្រុងប្រយត្ន័ខណៈមកដល់ចំណុចកើតហេតុខាងលើបានរេចង្កូតជ្រុលទៅបុករថយន្ត វីហ្គោរ ពណ៌ខ្មៅពាក់ស្លាកលេខ ភ្នំពេញ2J-0206ដែលកំពុងជួសជុលនៅលើចិញ្ចើមផ្លូវ បណ្ដាលឲ្យរអិលទៅមុខបុកម៉ូតូហុងដាឌ្រីមC125ស៊េរីឆ្នាំ២០១៣ ស្លាកលេខភ្នំពេញ1BV-0607កល់ជាប់ទៅមុខលែងរួចនិងរងរបួសក្មេងតូចម្នាក់រលាត់ ដៃជើងភ្លាមៗឪពុកម្តាយបានដឹកទៅមន្ទីពេទ្យដើម្បីព្យាបាល ។
ក្រោយកើតហេតុសមត្ថកិច្ចចុះមកដល់ឲ្យភាគី ទាំងសង្ខាងសម្របសម្រួលគ្នាដោយសារតែសម្របសម្រួលមិនត្រូវគ្នាសមត្ថកិច្ចក៏ទាក់ទងទៅជំនាញចុះមកវាស់វែងយករថយន្តទាំង២គ្រឿងនិងម៉ូតូទៅរក្សាទុករង់ចាំដោះស្រាយគ្នានៅពេលក្រោយ៕
