អាសូណាស់!ក្មេងស្រីម្នាក់ទៅរាវលៀសរអិលជើងចូលទឹកជ្រៅលង់ស្លាប់គួរឲ្យសង្វេក

កំពង់ស្ពឺ៖ ក្មេងស្រីអាយុ១៤ឆ្នាំម្នាក់ព្រោះតែជីវភាពគ្រួសារខ្វះខាតសុខចិត្តតស៊ូទៅរាវលៀសក្នុងរណ្ដៅដី ដើម្បីសន្សំរកលុយទុករៀនតែអកុសលរអិលជើងចូល ទឹកជ្រៅលង់ស្លាប់គួរឲ្យសង្វេក
ហេតុការណ៍ភ្ញាក់ផ្អើលនេះបានកើតឡើងកាលពី វេលាម៉ោង ៨និង៣០នាទីព្រឹកថ្ងៃទី១៦ ខែសីហា ឆ្នាំ ២០១៨ នៅចំនុចទំនប់ចាន់ថ្នាល ស្ថិតក្នុងភូមិក្រាំងជង្រុក ឃុំក្រាំងចេក ស្រុកឧដុង្គ ខេត្តកំពង់ស្ពឺ ។

សពក្មេងស្រីរងគ្រោះមានឈ្មោះ ថន ស្រីម៉ុច ភេទស្រី អាយុ១៤ឆ្នាំ រស់នៅភូមិទួលស្តៅ ឃុំក្រាំងចេក ស្រុក ឧដុង្គ ខេត្តកំពង់ស្ពឺ ។

បើតាមប្រភពពីសមត្ថកិច្ចបានឲ្យដឹងថា មុនពេលកើត ហេតុ​ក្មេងស្រីរងគ្រោះបានទៅរាវលៀស ខណៈដែលកំពុងរាវក៏ដើរធ្លាក់ចូលក្នុងរណ្តៅដីដែលមានទឹកជ្រៅប្រមាណ៨ម៉ែត្រ បណ្តាលអោយលង់ទឹកស្លាប់យ៉ាង អណោចអធម៌តែម្តង​ ។

ក្រោយពេលកើតហេតុ សមត្ថកិច្ចបានធ្វើកោសល្យវិច្ច័យរួចប្រគល់ឲ្យក្រុមគ្រួសារធ្វើបុណ្យតាមប្រពៃណី៕