សមត្ថកិច្ចចាប់ខ្លួនស្ត្រីម្នាក់ដកហូតគ្រឿងញៀន៧កញ្ចប់
ភ្នំពេញ ៖ កម្លាំងនគរបាលខណ្ឌឫស្សីកែវ ស្រាវជ្រាវបង្ក្រាបជាក់ស្តែងករណីជួញដូរនូវសារធាតុញៀនខុសច្បាប់ ដោយឃាត់ខ្លួនស្ត្រីម្នាក់ដែលជាជនសង្ស័យ រួមនិងថ្នាំញៀន៧កញ្ចប់ ៖ ហេតុការណ៍ឃាត់ខ្លួននេះបានធ្វើឡើងកាលពីវេលាម៉ោង១០និង០០នាទីព្រឹកថ្ងៃទី០៦ខែមិថុនា ឆ្នាំ២០២០ នៅចំណុចផ្លូវលំ ក្រុម៧ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ។
សមត្ថកិច្ចបានឲ្យដឹងថា សង្ស័យមានឈ្មោះ ហួន ស្រីតូច ហៅ បារាំង ភេទស្រីអាយុ៣៩ឆ្នាំ ជនជាតិខ្មែរ មុខរបរលក់ដូរ មានទីលំនៅ ក្រុម៧ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ ។
វត្ថុតាងដកហូតរួមមាន ៖ ក្រាមពណ៌សថ្លាសង្ស័យគ្រឿងញៀនចំនួន៧កញ្ចប់ក្នុងនោះធំ០១កញ្ចប់ ។
បច្ចុប្បន្ប ជនសង្ស័យរួមទាំងវត្ថុតាងត្រូវបានសមត្ថកិច្ច ធ្វើការសាកសួរនិងកសាងសំណុំរឿងចាត់ការបន្តតាមនិតិវីធីច្បាប់ ៕
