ជិះម៉ូតូលឿនខ្វះការប្រុងប្រយត្ន័ជ្រុលទៅបុករបងថ្មបោកក្បាលស្លាប់

ភ្នំពេញ៖ បុរសម្នាក់ជិះម៉ូតូលឿនមិនប្រយត្ន័ជ្រុលទៅ បុករបងថ្ម បណ្ដាលឲ្យបោក្បាលស្លាប់យ៉ាងអាណោចអធម៌ ៖ ហេតុការណ៍ភ្ញាក់ផ្អើលនេះបានកើតកាលពី វេលាម៉ោង១និង៣០នាទី​រំលងធាធ្រាត្រ ឈានចូលថ្ងៃទី២១ខែសីហាឆ្នាំ២០១៨ នៅតាមបណ្ដោយផ្លូវលេខ ១៣២ កែងនិងផ្លូវ៦០៨ត្រង់ចំណុចដីឡូត៍មួយកន្លែង មុខ សណ្ឋាគារស្រែលាភ ស្ថិតក្នុងសង្កាត់ស្រះចក ខណ្ឌដូនពេញ ។

សពជនរងគ្រោះមានឈ្មោះ ម៉ក់ អីហុង ភេទប្រុស អាយុ២៥ឆ្នាំ មានស្រុកកំណើត សង្កាត់ទន្លេបាសាក់ ខណ្ឌចំការមន ។ បច្ចុប្បន្នស្នាក់នៅផ្ទះលេខ១៨សេ ផ្លូវជាតិលេខ២ ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

បើតាមប្រភពព័ត៌មាននៅកន្លែងកើតហេតុបានឲ្យដឹងថា មុនកើតហេតុ គេឃើញជនរងគ្រោះជិះម៉ូតូមួយគ្រឿងម៉ាកហុងដាស្កុបពី ពណ៌ស ពាក់ស្លាកលេខ ភ្នំពេញ1GR-5731​ ធ្វើដំណើរតាមផ្លូវលេខ១៣២ ទិសដៅពីត្បូងទៅជើងក្នុងល្បឿនលឿន ខណៈមក ដល់ចំណុចកើតហេតុដែលជាកន្លែងផ្លូវកោង ក៏បានរេចង្កូតមកខាងស្តាំជ្រុលទៅបុករបងថ្មដីឡូត៍ពេញ ទំហឹង បណ្តាលជនរងគ្រោះបោកក្បាលនិងរបងថ្ម ស្លាប់ភ្លាមៗនៅនិងកន្លែងគួរឲ្យសង្វេក ។

ក្រោយកើតហេតុ សមត្ថកិច្ចជំនាញចុះមកធ្វើការវាស់ វែង យកម៉ូតូទៅរក្សាទុកនៅអធិការដ្ឋាននគរបាលខណ្ឌដូនពេញ ។ ចំណែកសពជនរងគ្រោះសមត្ថកិច្ចធ្វើកំណត់ហេតុប្រគល់ជូនសាច់ញាត្តិយកទៅធ្វើ បុណ្យតាមប្រពៃណី៕