រន្ធត់ណាស់!រថយន្ត២គ្រឿងបុកគ្នាជៀបជាប់ តែកុងទ្បានស្លាប់ក្នុងកាប៊ីននិង២នាក់ទៀតរបួសធ្ងន់
បន្ទាយមានជ័យ៖ រថយន្តធន់ធំ២គ្រឿងបុកគ្នាបណ្ដាលឲ្យបុរសម្នាក់ដែលជាតៃកុងរថយន្តដឹកឥដ្ឋបានគៀបជាប់ក្នុងកាប៊ីនស្លាប់បាត់បង់ជីវិត និងបុរសស្ត្រី២នាក់ទៀតរងរបួសធន្ងន់និងស្រាល ត្រូវបានបញ្ជួនទៅព្យាបាលនៅមន្ទីរពេទ្យ
ហេតុការណ៍គ្រោះថ្នាក់ចរាចរណ៍ដ៏គួរអោយរន្ធត់នេះបានកើតឡើងកាលពីវេលាម៉ោង៦និង១៥នាទីព្រឹកថ្ងៃទី២២ខែមិថុនាឆ្នាំ២០២០នៅត្រង់ចំណុច ភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ជិតស្ថានីយ៍ ថ្លឹងរថយន្ត ( កូនដំរី ) ។
សមត្ថកិច្ចបានឲ្យដឹងថា មុនកើតហេតុរថយន្តដឹកទំនិញ (អេតចាយ) បើកបរដោយបុរសម្នាក់ទិសដៅពីលិចទៅកើត ចូលថ្លឹងរថយន្តនៅស្ថានីយ៍ រួចបើកបត់ត្រឡប់ចេញវិញក៏បានបុកគ្នាជាមួយរថយន្តដឹកឥដ្ឋ បើកបរដោយបុរសម្នាក់និងអ្នករួមដំណើរពីនាក់ទៀតទិសដៅទៅលិច បានបណ្តាលឲ្យបុកគ្នាគៀបជាប់តៃកុងក្នុងកាប៊ីនរថយន្តស្លាប់និង២នាក់ទៀតរបួសធ្ងន់ស្រាល។
ក្រោយពេលកើតហេតុសមត្ថកិច្ចជំនាញបានចុះមកវាស់វែងយករថយន្តទាំង២គ្រឿងទៅរក្សាទុករង់ចាំដោះស្រាយពេលក្រោយ។
ចំណែកសពជនរងគ្រោះសមត្ថកិច្ចធ្វើកំណត់ហេតុប្រគល់ជួនសាច់ញាតិឲ្យយកទៅធ្វើបុណ្យតាមប្រពៃណី។ ដោយឡែក តៃកុងរថយន្តដែលបានរត់គេចខ្លួនសមត្ថកិច្ចនិងបន្តស្រាវជ្រាវចាប់យកមកអនុវត្តទៅតាមនីតិវិធី ច្បាប់៕
