ប្រទះឃើញបុរសម្នាក់ដេកស្លាប់នៅលើផ្លូវ៦០ម៉ែត្រជាមួយម៉ូតូមួយគ្រឿង
ភ្នំពេញ ៖ បុរសម្នាក់បានបែកក្បាលស្លាប់គួរឲ្យអាណោចអធម៌ ឃើញតែម៉ូតូមួយគ្រឿងនៅជិតសព បង្ករការភ្ញាក់ផ្អើលនៅវេលាម៉ោង៩និង៣០នាទីយប់ថ្ងៃទី២៦ ខែតុលា ឆ្នាំ២០២០ នៅតាមបណ្ដោយផ្លូវ៦០ម៉ែត្រក្បែរច្រមុះជ្រូកក្បាលថ្នល់ ប្រហែលជា១០០ក្នុងភូមិព្រែក តានូ១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
សពជនរងគ្រោះ មិនត្រូវបានគេ ស្គាល់អត្តសញ្ញាណនៅឡើយ។
យោងតាមប្រភពពីកន្លែងកើតហេតុបានឲ្យដឹងថា នៅវេលាម៉ោងកើតហេតុស្រាប់តែគេឃើញ បុរសរងគ្រោះដេកស្កាប់ដោយម៉ូតូស៊េរីឆ្នាំ២០១៥ ពណ័ខ្មៅ ពាក់ផ្លាកលេខភ្នំពេញ1CU-4819 សង្កត់ពីលើមិនដឹងថាបុរសរងគ្រោះជិះបុកអ្វីនោះទេ ព្រោះម៉ូតូជនរងគ្រោះខូចខាតផ្នែកខាងមុខទាំងស្រុង ។
ក្រោយកើតហេតុសមត្ថកិច្ចជំនាញខណ្ឌចុះមកចំណុចកើតហេតុធ្វើការពិនិត្យនិងបានយកម៉ូតូជនរងគ្រោះទៅរក្សាទុកនៅអធិការដ្ឋានមានជ័យ បណ្ដោះអាសន្ន។ ចំណែកសពសមត្ថកិច្ចប្រគល់ឲ្យក្រុមរថយន្តសាម៉ុយដឹកយកទៅតម្កល់ទុកនៅវត្តទឹកថ្លារងចាំស្រាវជ្រាវ រកសាច់ញ្ញាតិឲ្យមកទទួលសពយកទៅធ្វើបុណ្យតាមប្រពៃណី ៕
