ជិះម៉ូតូលឿនមិនប្រយត្ន័ជ្រុលទៅបុករថយន្តបើកឆ្លងផ្លូវ បោកក្បាលស្លាប់គួរឲ្យសង្វេក
ភ្នំពេញ ៖ បុរសបានស្លាប់បាត់បង់ជីវិតអាណោចអធម៌ បន្ទាប់ពីជិះម៉ូតូលឿនខ្វះការប្រុងប្រយត្ន័ជ្រុលទៅបុករថយន្តកំពុងឆ្លងផ្លូវចេញពីផ្ទះសំណាក់
ហេតុការណ៏គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃព្រហស្បតិ៏ ទី៣ ខែធ្នូឆ្នាំ២០២០ នៅតាមបណ្ដោយផ្លូវបេតុងចំណុច មុខផ្ទះសំណាក់សារិកា២ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
សពជនរងគ្រោះមានឈ្មោះ ហេង សីហា
ភេទប្រុស អាយុ២១ឆ្នាំ ជនជាតិខ្មែរ មុខរបចុងភៅ មានស្រុកកំណើតនៅភូមិល្វាស ស្រុកល្វាឯម ខេត្តកណ្ដាល។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតគេឃើញបុរសម្នាក់ជិះម៉ូតូមួយគ្រឿងម៉ាក ហ្សូូម័អ៊ិច ពណ័ស ពាក់ស្លាកលេខភ្នំពេញ1GM-9251ធ្វើដំណើរក្នុងទិសដៅពីត្បូងទៅជើងក្នុងល្បឿនលឿន លុះមកដល់ចំណុចកើតហេតុក៏បានបុកជាមួយរថយន្តធុនរ៉ា ពណ័សពាក់ស្លាកលេខភ្នំពេញ2AM.8866 ពេញទំហឹងខណៈដែលរថយន្តធុនរ៉ាកំពុងបើកឆ្លងផ្លូវពីកើតទៅលិចចេញពីផ្ទះសំណាក់ សារិកា២ បណ្ដាល ឲ្យបោកក្បាលបាក់កស្លាប់គួរឲ្យអណោចអធម៌ ភ្លាមនោះរថយន្ត បានបើកត្រឡប់ចូលផ្ទះសំណាក់វិញរួចដោះស្លាកលេខចេញសង្ងំធ្វើដូច មិនមានរឿងអ្វីកើតឡើង។
ក្រោយកើតហេតុសមត្ថកិច្ចជំនាញបានចុះមកវាស់វែងយករថយន្តនិងម៉ូតូរងគ្រោះទៅរក្សាទុកនៅស្នងការនគរបាលរាជធានីភ្នំពេញ រងចាំដោះស្រាយតាមផ្លូវច្បាប់។ចំណែកសពសមត្ថកិច្ចបានធ្វើកំណត់ហេតុប្រគល់ឲ្យក្រុមគ្រួសារដឹកទៅស្រុកកំណើតធ្វើបុណ្យតាមប្រពៃណី៕
