ប្លែកៗណាស់! បុរសម្នាក់អង្គុយយកក្រម៉ាចង.កសម្លាប់ខ្លួនក្នុងPass APPសឹងតែមិនគួរអោយជឿ..!

ភ្នំពេញ៖ មុនដំបូង អ្នកនៅជិតកន្លែងកើតហេតុ ឆ្ងល់ថា ហេតុអីពូ Pass APPចតអង្គុយចាំ អ្នកណាគេទាំងកណ្តាលអធ្រាតស្ងាត់ឈឹងបែបនេះ ពេលទៅជិត ស្រាប់តែឃើញបុរសម្នាក់យកក្រមាចងជាប់លើដំបូលPass ចង.កសម្លាប់ខ្លួនអង្គុយស្លាប់បាត់ទៅហើយ ឆោឡោបង្ករឲ្យមានការភ្ញាក់ផ្អើល កាលពីវេលាម៉ោង១២ រំលងអធ្រាត្រឈានចូលថ្ងៃទី ១៨ខែធ្នូឆ្នាំ២០២០នេះ នៅតាមបណ្តោយផ្លូវបេតុងក្នុងសង្កាត់ជ្រោយចង្វា ខណ្ឌជ្រោយចង្វារ ។

សពមានឈ្មោះ នុត សារុំ មានអាយុជាង៤០ឆ្នាំ សម្បុរសណ្ដែកបាយ ពាក់អាវ ក្រណាត់ពណ៌សដៃខ្លីស្លៀកខោក្រណាត់ជើងវែង ពណ៌ខ្មៅ មានប្រពន្ធអាយុប្រហែល៣០ឆ្នាំ និងមានកូនប្រុសពីរនាក់ រស់នៅក្នុងសង្កាត់បាក់ខែង ខណ្ឌជ្រោយចង្វា បច្ចុប្បន្នជួលបន្ទប់ស្នាក់នៅក្នុងខណ្ឌឫស្សីកែវ ។

មុនពេលមានការភ្ញាក់ផ្អើល ពុំមាននរណាម្នាក់បានដឹងថាបុរសនេះចង.កសម្លាប់ខ្លួនតាំងពីពេលណាមកនោះទេ ប៉ុន្តែនៅពេលស្រ្ដីម្នាក់ចេញមកទិញអីហូប មានការសង្ស័យ គាត់បានដើរទៅក្បែរឡាំប្រឺតាមួយគ្រឿង ដែលចតនៅចិញ្ចើមថ្នល់នោះ ស្រាប់តែឃើញបុរសម្នាក់ចង.កសម្លាប់ខ្លួននៅក្នុងឡាំប្រឺតានោះ ដោយយកក្រមាមកចងភ្ជាប់ដំបូលឡាំប្រឺតា ស្លាប់បាត់ទៅ ស្រ្ដីម្នាក់នោះក៏ស្រែកប្រាប់អ្នកជិតខាងឲ្យនាំគ្នាទៅជួយមើល ព្រមទាំងរាយការណ៍ជូនសមត្ថកិច្ចមូលដ្ឋានឲ្យចុះទៅពិនិត្យមើល និងរាយការណ៍បន្តទៅកាន់នគរបាលការិយាល័យបច្ចេកទេសវិទ្យាសាស្រ្តនៃស្នងការដ្ឋាននគរបាលរាជធានីភ្នំពេញ ដើម្បីពិនិត្យកោសល្យវិច័យ។

សមត្ថកិច្ចបានបញ្ជាក់ថា ជនរងគ្រោះ ពិតជាស្លាប់ដោយចង.កសម្លាប់ខ្លួនពិតមែន និងបានប្រគល់ជូនសាច់ញាតិយកទៅធ្វើបុណ្យតាមប្រពៃណី។ តែករណីខាងលើនេះ សមត្ថកិច្ចមិនបានបញ្ជាក់ថាមកពីមូលហេតុអ្វីនៅឡើយទេ ព្រោះចំឡែកណាស់ ជនរងគ្រោះ ចង.កសម្លាប់ខ្លួនអង្គុយក្នុងឡាំប្រឺតា បែបនេះ៕