ឆេះក្លឹបកំសាន្ត2NDទាំងព្រឹកនៅខណ្ឌដូនពេញ

ភ្នំពេញ៖ អគ្គីភ័យឆាបឆេះក្លឹបកំសាន្តមួយកន្លែងយ៉ាងសន្ធោរសន្ធៅបង្កឲ្យមានការភ្ញាក់ផ្អើលដល់ប្រជា ពលរដ្ឋនិងសមត្ថកិច្ចទាំងព្រឹក
ហេតុការណ៍អគ្គីភ័យនេះបានកើតឡើងកាលពីវេលា ម៉ោង៦ព្រឹកថ្ងៃទី១១ខែកញ្ញាឆ្នាំ២០១៨ នៅចំណុចក្លឹប កំសាន្តយីហោ2NDដែលមានទីតាំងនៅតាមបណ្តាយផ្លូវលេខ៥១កែងផ្លូវលេខ២៥៤ស្ថិតក្នុងសង្កាត់ ចតុមុខ ខណ្ឌដូនពេញ រាជធានីភ្នំពេញ។

បើតាមប្រភពព័ត៌មានបឋមនៅកន្លែងកើតហេតុបានឲ្យដឹងថាគ្រោះអគ្គីភ័យនេះបានចាប់ផ្ដើមឆាបឆេះចេញពីខាងក្នុងក្លិប ដែលកើតឡើងតាំងពីវេលាម៉ោងប្រមាណ៦និង៣០នាទីព្រឹក ថ្ងៃទី១១ ខែកញ្ញា ឆ្នាំ២០១៨ ដោយអគ្គិភ័យបង្កជាភ្លើងផ្សែងហុយចេញពីខាងក្នុងក្លិប ចេញមកខាងក្រៅយ៉ាងខ្មួលខ្មាញ់ បង្កការភ្ញាក់ផ្អើលដល់ប្រជាពលរដ្ឋនិងកម្លាំងសមត្ថកិច្ចមូល ដ្ឋាន ព្រមទាំងកម្លាំងបង្កានិងពន្លត់អគ្គីភ័យ ចេញរថយន្តពន្លត់អគ្គីភ័យជាច្រើនគ្រឿងមកអន្តរាគមន៍បាញ់ពន្លត់តែមិនបណ្ដាលឆាបឆេះដល់ផ្ទះប្រជាពលរដ្ឋដែលនៅក្បែឡើយ ។ ប្រភពបានបន្តថា ករណី អគ្គីភ័យនេះគេ សង្ស័យបណ្ដាលមកពីឆ្លងចរន្តអគ្គិសនី ទើបឆាបឆេះដូចច្នេះ ។

ដោយឡែកទំហំនៃការខូចខាតសមត្ថកិច្ចនៅមិនទាន់អាចបញ្ជាក់បានពីគ្រោះអគ្គិភ័យនេះឡើយ ហើយអាជ្ញាធរពាក់ព័ន្ធ ព្រមទាំងកម្លាំងសមត្ថកិច្ចជំនាញ កំពុងធ្វើការស្រាវជ្រាវពីមូលហេតុ នៃគ្រោះអគ្គីភ័យនេះបន្តទៀត ៕