នគរបាលខណ្ឌមានជ័យបង្ក្រាបល្បែងសុីសងខុសច្បាប់ ឆ្នោតឡូតូ
ភ្នំពេញ ៖ កម្លាំងនគរបាលខណ្ឌមានជ័យ បានចុះធ្វើការបង្ក្រាបទីតាំងល្បែងសុីសងឆ្នោតឡូតូ មួយកន្លែងកាលវេលាម៉ោង១២និង៣០នាទីរសៀលថ្ងៃទី០៨ ខែមករា ឆ្នាំ២០២១ នៅចំណុចផ្ទះគ្មានលេខ ផ្លូវលំ ក្រុមទី៣៥ ភូមិទួលរកា សង្កាត់ចាក់អង្រែក្រោម ខណ្ឌមានជ័យ ។
លោក ស៊ូ សារុំ នាយប៉ុស្តិ៍នគរបាលរដ្ឋបាលចាក់អង្រែក្រោម បានអោយដឹងថា, ក្នុងប្រតិបត្តការណ៍បង្ក្រាបនេះ ជាលទ្ធផលកម្លាំងសមត្ថកិច្ចបានដកហូតសម្ភារ:មួយចំនួនដូចជា:១-ទូរទស្សន៍ម៉ាកSHARP ចំនួន ០២គ្រឿង
២-កុំព្យូទ័រចំនួន០៣ គ្រឿង
៣-ដុំម៉ាស៊ីន ចំនួន ០២គ្រឿង
សូមជម្រាបថា , នៅព្រឹកថ្ងៃទី៨ ខែមករា នេះ កម្លាំងនគរបាលខណ្ឌ ៧មករា ក៏បានចុះបង្ក្រាបករណីដូចគ្នានេះដែរ ដោយអនុវត្តតាមបទបញ្ជារបស់លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ៕
