ចេញពីមង្គលការបើករថយន្តរេចង្កូតធ្លាក់ទឹកប្រឡាយស្លាប់យ៉ាងអាណោចអធម៌
ព្រៃវែង ៖ បុរសម្នាក់បើករថយន្តឡិចសុីសចេញពី ពិធីមង្គលការកូនមិត្តភក្ភ័ សង្ស័យស្រវឹងស្រាខ្លាំងរថយន្តរេចង្កូតធ្លាក់ចូលក្នុងទឹកប្រឡាយ ស្លាប់យ៉ាងអាណោចអធម៌
ហេតុការណ៍ភ្ញាក់ផ្អើលនេះកើតឡើងកាលពីយប់ថ្ងៃទី០៨ខែមករាឆ្នាំ២០២១ ស្ថិតនៅតាមបណ្ដោយផ្លូវលំមាត់ប្រឡាយ ភូមិកំពង់ថ្នល់ ឃុំល្វា ស្រុកព្រះស្ដេច ខេត្ត ព្រៃវែង ។
យោងតាមប្រភពព័ត៌មានពីសាច់ញាតិបានអោយដឹងថា នៅថ្ងៃទី០១ខែមករា២០២១ ជនរងគ្រោះបានបើករថយន្តម៉ាកឡិចសុីស ចេញពីភ្នំពេញ មកចូលរួមមង្គលការកូនរបស់មិត្តភក្ភ័នៅស្រុកព្រះស្ដេចព្រៃវែង ។
ប្រភពដដែលបានបន្តថា លុះដល់ល្ងាចថ្ងៃដដែលជនរងគ្រោះបានចូលរួមក្នុងពិធីមង្គលការដោយមានការផឹកស្រាបៀរផង ។ខណៈផឹកសុីជួបជុំមិត្តភក្ភ័រហូតដល់យប់ម៉ោងប្រហែល០៧យប់ជនរងគ្រោះបានលាមិត្តភក្ភ័មកមុនដោយបើករថយន្តតែម្នាក់ឯង បំណងទៅលេងផ្ទះឪពុកម្ដាយដែលនៅក្បែរនោះលុះមកជិតដល់ផ្លូវបត់ចូលផ្ទះឪពុកម្ដាយសល់ប្រហែល១០០ទៅ២០០ម៉ែត្រ ស្រាប់តែរថយន្តបានរេចង្កូតធ្លាក់ចូលក្នុងទឹកប្រឡាយតែម្ដង ភ្លាមៗឪពុកជនរងគ្រោះនិងបងប្អូនប្រជាពលរដ្ឋនៅក្បែរកន្លែងកើតហេតុបានចុះជួយដែរតែដោយទឹកជ្រៅពេកមានការលំបាកក្នុងការជួយសង្គ្រោះដោយប្រើពេលយូ ទើបជនរងគ្រោះដាច់ខ្យល់ស្លាប់នៅក្នុងរថយន្ត ។
ក្រោយពេលកើតហេតុក្រុមគ្រួសារបានជួលរថយន្តគេដឹកយកទៅតម្កល់ធ្វើបុណ្យតាមប្រពៃណីនៅស្រុកខាងប្រពន្ធ ភូមិត្រោកធំឃុំស្វាយធំស្រុកស្វាយរៀង ។ លុះព្រះព្រឹកឡើងទើបសមត្ថកិច្ចមូលដ្ឋាននិងសាច់ញាតិជនរងគ្រោះអោយរថយន្តស្ទួចរថយន្តឡើងគោក៕
