មិនដឹងជាបើកល្បឿនប៉ុណ្ណាទេ រហូតជ្រុលទៅបុកនិងក្បាលស្ពានអាកាសផ្សារដីហុយបរងការខូចខាតយ៉ាងដំណំ
ភ្នំពេញ៖ បុរសម្នាក់បានបើករថយន្តព្រូសមួយគ្រឿងក្នុងល្បឿនយ៉ាងលឿននៅតាមបណ្តោយមហាវិថីសហពន្វ័រ៉រុស្ស៊ីបានទៅបុកនឹងក្បាលស្ពានអាកាសផ្សារដីហុយពេញទំហឹងបណ្តាលឲ្យរថយន្តរងការខូចខាត់យ៉ាងដំណំផ្នែកខាងមុខសំណាងល្អដែលអ្នកបើកបររថយន្តបង្កមិនបានរងរបួស ហេតុការណ៍គ្រោះថ្នាក់ចរាចរណ៍នេះបានកើតឡើងនៅតាមមហាវិថីសហព័ន្ធរុស្សី សិ្ថតនៅក្នុងសង្កាត់ ទឹកថ្លាខណ្ឌសែនសុខ រាជធានីភ្នំពេញ នៅវេលាម៉ោង១០ នឹង៣០នាទីយប់ ថ្ងៃទី ២៤ ខែមករា ឆ្នាំ ២០២១។
តាមប្រភពព័ត៌មានពីបងប្អូនប្រជាពលរដ្ឋដែលរកស៊ីរត់កង់បីនៅក្បែរកន្លែងកើតហេតុបានប្រាប់មកក្រុមអ្នកយកព័ត៌មានឲ្យបានដឹងថានៅមុនពេលកើតហេតុគេបានឃើញបុរសម្នាក់បានបើករថយន្តមួយគ្រឿងម៉ាកព្រូស ពណ៍ទឹកសមុទ្រ ពាក់សហលាកលេខភ្នំពេះ2BD 63 12 បានបើកក្នុងល្បឿនយ៉ាងលឿននៅតាមបណ្ដោយមហាវិចីសហព័ន្ធរុស្ស៊ីក្នុងទិសដៅពីលិចមកកើត ខណៈពេលមកដល់ចំណុចកើតហេតុ បុរសរូបនោះបានបើករថយន្តទៅបុកនិងក្បាលស្ពានអាកាសផ្សារដីហុយពេញទំហឹងបណ្ដាលឲ្យរថយន្តរងការខូចខាតផ្នែកខាងមុខយ៉ាងដំណំ ចំណែកអ្នកបើកបរបង្កសំណាងល្អដែលគ្មានគ្រោះថ្នាក់ដល់អាយុជីវិត។
ក្រោយកើតហេតុសមត្ថកិច្ចផ្នែកជំនាញចរាចរណ៍ផ្លូវគោករាជធានីភ្នំពេញបានចុះទៅពិនិត្យរួចបានស្ទូចយករថយន្តបង្កយកទៅរក្សាទុកនៅការិយាល័យចរាចរណ៍រាជធានីភ្នំពេញដើម្បីរង់ចាំឲ្យម្ចាស់រថយន្តបង្កចូលខ្លួនទៅដោះស្រាយតាមនីតិវិធីផ្លូវច្បាប់៕
